ठाणे-नवी मुंबईकरांसाठी मोठी खुशखबर! कोपरी ते पटनीदरम्यान उभारला जाणार ६ पदरी अत्याधुनिक पूल; वाहतूक कोंडीतून कायमची मुक्ती!

मुंबई: खुशखबर! ठाणे-नवी मुंबई प्रवास अवघ्या काही मिनिटांत होणार; कोपरी ते पटनीदरम्यान पूल उभारला जाणार, कसा असेल मार्ग? ठाणे आणि नवी मुंबई मार्गावर दररोज प्रवास करणाऱ्या नोकरदार आणि वाहनचालकांसाठी एक अत्यंत महत्त्वाची आणि आनंदाची बातमी आहे. मुंबई महानगर प्रदेश विकास प्राधिकरणाने (MMRDA) ठाणे पूर्वेकडील कोपरी ते नवी मुंबईतील पटनी दरम्यान ठाणे खाडीवर एक नवीन ६ पदरी पूल उभारण्याचा निर्णय घेतला आहे. या महत्त्वाकांक्षी प्रकल्पासाठी एमएमआरडीएकडून अधिकृतपणे निविदा (Tenders) मागवण्यात आल्या आहेत.

 

 

या १.४ किलोमीटर लांबीच्या खाडी पुलामुळे सध्याच्या ऐरोली-मुलुंड खाडी पूल आणि कळवा खाडी पुलावर होणारी प्रचंड वाहतूक कोंडी कमी होण्यास मोठी मदत होणार आहे. विशेषतः गर्दीच्या (Peak Hours) वेळी प्रवाशांचा सुमारे ३० ते ४५ मिनिटांचा मौल्यवान वेळ वाचणार आहे.

थेट कनेक्टिव्हिटी आणि प्रकल्पाची वैशिष्ट्ये हा नवीन पूल ठाण्यातील मिठ बंदर रोडवरून (कोपरी) सुरू होईल, जो भाग ठाणे रेल्वे स्टेशनपासून अवघ्या ७५० मीटर अंतरावर आहे. तिथून खाडी ओलांडून हा पूल नवी मुंबईतील ऐरोली नॉलेज सिटी रोडजवळ (पटनी) उतरेल. यामुळे ठाणे स्टेशन रोड आणि थेट ठाणे-बेलापूर रोड दरम्यान सर्वोत्तम कनेक्टिव्हिटी निर्माण होणार आहे.

हा पूल उभारण्यासाठी आधुनिक 'केबल-स्टेड' (Cable-Stayed) तंत्रज्ञानाचा वापर केला जाणार असून, हा प्रकल्प २०३० पर्यंत पूर्ण करून वाहतुकीसाठी खुला करण्याचे उद्दिष्ट ठेवण्यात आले आहे. एका सर्वेक्षणानुसार, सध्या या परिसरातून दररोज हजारो वाहने ये-जा करतात. हा पूल पूर्ण झाल्यानंतर गर्दीच्या वेळी ताशी १,९०० पेक्षा जास्त वाहने वाहून नेण्याची या पुलाची क्षमता असेल. भविष्यात हा मार्ग नवी मुंबई आंतरराष्ट्रीय विमानतळाला जोडणाऱ्या प्रस्तावित कॉरिडोअरला देखील कनेक्ट केला जाणार आहे.

 

सविस्तर वाचा, लिंक कमेंट मध्ये https://punenews24.in/