मुंबई: शिंदेसेनेत अंतर्गत बंडाळी उफाळली! अमरावती शिक्षक मतदारसंघ निवडणुकीसाठी श्रीकांत देशपांडे यांचे दोन उमेदवारी अर्ज दाखल

मुंबई: आगामी विधान परिषद निवडणुकीच्या पार्श्वभूमीवर राजकीय वर्तुळातून एक मोठी आणि खळबळजनक बातमी समोर येत आहे. महायुतीमधील घटक पक्ष असलेल्या शिवसेना (शिंदे गट) पक्षातच अंतर्गत बंडाळी उफाळली असून अमरावती शिक्षक मतदारसंघाच्या निवडणुकीसाठी पक्षांतर्गत मोठी उलथापालथ देखनेस मिळाली आहे. शिंदे सेनेचे नेते श्रीकांत देशपांडे यांनी पक्षाच्या अधिकृत भूमिकेच्या विरोधात जात एकाच वेळी तब्बल दोन अर्ज दाखल केल्याने महायुतीमधील राजकीय वर्तुळात जोरदार चर्चा रंगली आहे.

नेमके प्रकरण काय आहे? अमरावती विभाग शिक्षक मतदारसंघाच्या निवडणुकीचे मैदान आता चांगलेच तापू लागले आहे. महायुतीमध्ये जागावाटपाचा तिढा आणि उमेदवारीवरून सुरू असलेल्या रस्सीखेचीमुळे स्थानिक नेत्यांमध्ये तीव्र असंतोष निर्माण झाला आहे. याच असंतोषाचे प्रतीक म्हणून श्रीकांत देशपांडे यांनी थेट बंडाचा झेंडा हातात घेत निवडणुकीसाठी आपले दोन अर्ज दाखल केले आहेत. पक्षाच्या वरिष्ठ नेत्यांनी किंवा वरिष्ठांच्या निर्णयाने तिकीट मिळेल याची वाट न पाहता किंवा बंडाळीची तमा न बाळगता त्यांनी घेतलेल्या या निर्णयामुळे महायुतीमधील अंतर्गत मतभेद चव्हाट्यावर आले आहेत.

महायुतीसमोर वाढले टेन्शन: विधान परिषद निवडणुकीच्या तोंडावर मित्रपक्षांमध्ये समन्वयाचा अभाव स्पष्टपणे दिसून येत असून, श्रीकांत देशपांडे यांनी घेतलेल्या या भूमिकेमुळे स्थानिक पातळीवर पक्षाच्या शिस्तीचा प्रश्न निर्माण झाला आहे. विरोधकांनी या बंडाळीवर टीकेची झोड उठवली असून, महायुती आपल्याच पक्षातील असंतोष थोपवण्यात अपयशी ठरल्याचे चित्र निर्माण झाले आहे. या बंडाळीमुळे आगामी निवडणुकीत मतविभाजन होण्याचा धोका वाढल्याने शिंदे सेनेच्या कोअर टीमची डोकेदुखी वाढली आहे. आता वरिष्ठ पातळीवरून या बंडाला कसे थोपवले जाते आणि श्रीकांत देशपांडे आपला अर्ज मागे घेतात का, याकडे संपूर्ण राजकीय वर्तुळाचे लक्ष लागले आहे.