पंचांग १६ सप्टेंबर २०२६: कलानिधी योग, नीचभंग राजयोग आणि गणेशोत्सवातील शुभ मुहूर्त; जाणून घ्या संपूर्ण माहिती

पंचांग १६ सप्टेंबर २०२६  बुधवार १६ सप्टेंबर २०२६ रोजी भारतीय सौर २५ भाद्रपद शके १९४८ आहे. भाद्रपद शुक्ल पक्षातील पंचमी तिथी सकाळी ८:५९ पर्यंत असून त्यानंतर षष्ठी तिथीचा प्रारंभ होत आहे. आजच्या दिवशी चंद्रनक्षत्र विशाखा संध्याकाळी ५:२१ पर्यंत असून त्यानंतर अनुराधा नक्षत्र सुरू होईल. चंद्रराशी सकाळी १०:४८ पर्यंत तूळ राशीत असेल आणि त्यानंतर वृश्चिक राशीत प्रवेश करेल. सूर्यनक्षत्र उत्तरा फाल्गुनी हे सकाळी १०:४१ वाजेपर्यंत असेल.

विशेष योग आणि राजयोग: आज चंद्र आणि शुक्र यांच्या युतीमुळे अत्यंत शुभ असा 'कलानिधी योग' तयार होत आहे. याशिवाय, चंद्रमा जेव्हा वृश्चिक राशीत प्रवेश करेल, तेव्हा नीचस्थ चंद्रावर गुरुची दृष्टी पडल्यामुळे 'नीचभंग राजयोग' देखील तयार होत आहे, ज्याचे ज्योतिषीय दृष्टीकोनातून विशेष महत्त्व मानले जाते.

सूर्य आणि चंद्र माहिती:

• सूर्योदय: सकाळी ०६:२८

• सूर्यास्त: संध्याकाळी ०६:३९

• चंद्रोदय: सकाळी १०:५५

• चंद्रास्त: रात्री १०:०४

शुभ मुहूर्त आणि अशुभ काळ (राहुकाळ):

• ब्रह्म मुहूर्त: पहाटे ०४:३३ ते ०५:२०

• विजय मुहूर्त: दुपारी १४:१९ ते १५:०८

• निशिथ काळ: रात्री २३:५३ ते ०३:३९ (१७ सप्टेंबर)

• अमृत काळ: सकाळी ०७:५० ते ०९:३४

• राहुकाळ: दुपारी १२:१६ ते १३:४८ वाजेपर्यंत

• यमगंड काळ: सकाळी ०७:३९ ते ०९:११

• गुलिक काळ: सकाळी १०:४३ ते १२:१६

गणपतीला 'नर्मदा गणेश' का म्हटले जाते? (पौराणिक कथा): गणेश पुराणानुसार, अमरकंटक पर्वतातून उगम पावणारी नर्मदा नदी ही अत्यंत पवित्र मानली जाते. एकदा सिंदुरासुर नावाच्या राक्षसाने त्रैलोक्यात दहशत निर्माण केली आणि उन्मत्त होऊन त्याने पार्वतीदेवीच्या महाली जाऊन बाळ गणेशाला आकाशात उचलून नेले. गजाननाने आपला भार वाढवल्यामुळे सिंदुरासुराने त्या बालकाला आकाशातून थेट नर्मदा नदीच्या पात्रात फेकून दिले. जिथे बाळ गणेश पडले तिथे एक गणेश कुंड तयार झाले आणि पाण्याच्या वेगामुळे किंवा आपटल्यामुळे झालेल्या जखमांमधून वाहणाऱ्या रक्ताचा लाल रंग नर्मदेतील गोट्यांना लागला. तेथूनच नर्मदेतील हे लाल रंगाचे गोटे 'नर्मदा गणेश' म्हणून ओळखले जाऊ लागले, जे शास्त्रात अत्यंत पूजनीय आणि वंदनीय मानले जातात. गणेश पुराणातील अध्याय १३२ मध्ये या संदर्भातील सविस्तर माहिती दिलेली आहे.