औषधांशिवाय रक्तातील साखर कमी करायचीये? दररोज १५ मिनिटं करा हे काम; तज्ज्ञांनी दिला मोलाचा सल्ला!

Diabetes Control : औषधांशिवाय रक्तातील साखर कमी करायचीये? दररोज १५ मिनिटं करा हे रुटीन फॉलो, लगेचच मिळेल आराम सध्याच्या बदलत्या जीवनशैलीमुळे आणि खाण्यापिण्याच्या चुकीच्या सवयींमुळे अनेकांना अगदी कमी वयात गंभीर आरोग्याच्या समस्यांना सामोरं जावं लागतंय. रोजची धावपळ, कामाचा ताण आणि अपुरी झोप यांमुळे शरीर थकते आणि व्यायामासाठी वेळच मिळत नाही. यामुळे वयाच्या ४० शी मध्येच लोकांना ब्लड प्रेशर, डायबेटीज आणि सांधेदुखी अशा आजारांचा त्रास सुरू होतो, ज्यासाठी रोज औषधं-गोळ्या घ्याव्या लागतात. पण, केवळ लाइफस्टाइलमध्ये काही साधे बदल करूनही या आजारांपासून आराम मिळवता येतो, हे फार कमी जणांना माहित आहे. या संदर्भात तज्ज्ञांनी एक अत्यंत महत्त्वाची माहिती दिली आहे.

 

 

डायबेटीज (मधुमेह) हा सध्या वेगाने वाढणारा आजार असून लहानांपासून ते वृद्धांपर्यंत सर्वांनाच याचा त्रास होत आहे. तज्ज्ञांच्या मते, आपण आयुष्यभरात जी साखर खातो, त्याचा वाईट परिणाम शरीरावर खूप नंतर जाणवतो. म्हणूनच भविष्यात गंभीर समस्या टाळण्यासाठी आत्ताच सावध होणे गरजेचे आहे.

जेवल्यानंतर १५ मिनिटं चालण्याचे फायदे तज्ज्ञांनी दिलेल्या सल्ल्यानुसार, डायबेटीजच्या रुग्णांनी रोज चालण्याची सवय लावली पाहिजे. जेवल्यानंतर दररोज किमान १५ मिनिटं चालल्याने शरीरातील साखरेचे प्रमाण नैसर्गिकरित्या कमी होते. आपण जेव्हा चालतो, तेव्हा शरीरातील स्नायू (Muscles) अ‍ॅक्टिव्ह होतात आणि रक्तातले ग्लुकोज शोषून घेतात.

थोड्या वेळ चालण्याने रक्तातील साखरेची पातळी लक्षणीयरीत्या कमी होते. जेवल्यानंतर १० ते १५ मिनिटं चालल्याने स्नायूंमध्ये ग्लुकोजचा वापर होतो आणि वाढलेली साखर आपोआप नियंत्रणात येते. बऱ्याचदा लोक जेवल्यानंतर लगेच बसून किंवा झोपून राहतात, ज्यामुळे पचनक्रियेवर वाईट परिणाम होतो. जेवल्यानंतर चालल्याने पचनक्रियाही सुधारते.

 

आहारात बदल करणे गरजेचे साखर नियंत्रणात ठेवण्यासाठी चालण्यासोबतच आहारात योग्य बदल करणेही तितकेच गरजेचे आहे. बाहेरचे तेलकट, जंक फूड आणि प्रक्रिया केलेले पदार्थ खाणे पूर्णपणे टाळले पाहिजे. यामुळे केवळ साखरच नियंत्रित राहत नाही, तर वजन कमी ठेवण्यासही मोठी मदत होते.

 

सविस्तर वाचा, लिंक कमेंट मध्ये https://punenews24.in/