Parner : पारनेरमधील पतसंस्थेत ठेवीदाराची तब्बल १ कोटींची फसवणूक; सहकार क्षेत्रात खळबळ, २२ जणांवर गुन्हा दाखल

Parner : पतसंस्थेत जास्त व्याजाचे आमिष दाखवून ठेवी घेतल्या. मात्र, ठेवींची मुदत संपूनही ठेवीची रक्कम परत न करता ठेवीदार व त्याच्या कुटुंबीयांची एक कोटी १० लाख आठ हजार ३२३ रुपयांची फसवणूक केल्याची घटना पारनेर तालुक्यातील निघोज येथील मळगंगा नागरी सहकारी पतसंस्थेत घडली. या प्रकरणी संस्थेचे अध्यक्ष, उपाध्यक्ष, संचालक मंडळ, व्यवस्थापक, विशेष वसुली अधिकारी, अशा २२ जणांवर ५ नोव्हेंबर रोजी फसवणुकीचा गुन्हा दाखल झाला आहे.

याबाबत ठेवीदार भाऊसाहेब लिंबाजी थोरात (रा. पिंप्री जलसेन, ता. पारनेर, हल्ली रा. खराडी, पुणे) यांनी पारनेर पोलिस ठाण्यात फिर्याद दिली आहे. फिर्यादी व त्यांच्या कुटुंबीयांना मळगंगा नागरी सहकारी पतसंस्थेच्या पदाधिकारी व संचालक मंडळाने ठेवींवर ज्यादा व्याजदर देण्याचे आमिष दाखवत त्यांच्याकडून ठेवी घेतल्या. त्या ठेवींची मुदत संपल्यावर फिर्यादी संस्थेत पैसे काढण्यासाठी गेले असता, त्यांना व्यवस्थापक व कर्मचाऱ्यांनी चुकीची उत्तरे दिली.

Pune : पार्थ पवार जमीन प्रकरणात नवा ट्विस्ट; Index-II मधील मोठी गडबड उजेडात – विजय कुंभारांचा दावा

रोख रक्कम शिल्लक नाही, भरणा येणार आहे. काही दिवसांत पैसे देऊ, असे सांगत टोलवाटोलवी केली.फिर्यादीने याबाबत पदाधिकारी व संचालक मंडळाशी संपर्क साधला असता त्यांनीही वेगवेगळी कारणे सांगत वेळ मारून नेली. अनेकदा पाठपुरावा करूनही ठेवींची एक कोटी १० लाख आठ हजार ३२३ रुपये पतसंस्थेकडून देण्यास टाळाटाळ करण्यात आली. संस्थेकडून आपली फसवणूक झाल्याचे लक्षात आल्यावर भाऊसाहेब थोरात यांनी ५ नोव्हेंबर रोजी पारनेर पोलिस ठाण्यात फिर्याद दिली.

या फिर्यादीवरून पोलिसांनी संस्थेचे अध्यक्ष प्रभाकर नारायण कवाद, उपाध्यक्ष रामदास बाबुराव लंके, संचालक बाळासाहेब गणाजी लामखडे, मच्छिंद्र जिजाबा लंके, नामदेव हरिभाऊ पठारे, रायचंद खंडू गुंड, भाऊसाहेब विठोबा लामखडे, संतोष बन्सी येवले, भास्कर तुकाराम शेळके, राजेंद्र भागा लाळगे, प्रकाश शिवराम कवाद, वसंत जानकू बुचडे, मुकुंद रामचंद्र निघोजकर, शंकर रामचंद्र वराळ, संजय बबन सोनवणे, पुष्पा प्रकाश पांढरकर, विजया लहू वागदरे, अविनाश पंढरीनाथ गांढरे, रामदास बाबुराव रोहिले, व्यवस्थापक दिलीप पोपटराव वराळ, पिंप्री जलसेन शाखाधिकारी संपत गणाजी लामखडे, विशेष वसुली अधिकारी व तज्ज्ञ संचालक संतोष बाबुराव साबळे या २२ जणांच्या विरोधात महाराष्ट्र ठेवीदारांच्या हितसंबंधांचे संरक्षण अधिनियमानुसार फसवणुकीचा गुन्हा दाखल झाला आहे.