Prathamesh Kadam : मराठी रील स्टार प्रथमेश कदमने केली आत्महत्या ? शोकाकुल आईने सोडलं मौन

सोशल मीडिया इन्फ्लुएन्सर आणि रील स्टार प्रथमेश कदम (Patmesh Kadam) आणि त्याची आई ही मायलेकांची जोडी सोशल मीडियावर एकदम फेमस होती. प्रथमेश हा प्रसिद्ध सोशल मीडिया इन्फ्लुएन्सर, कंटेंट क्रिएटर, रील स्टार तसेच डान्सरही होता. आईसोबतचे त्याचे व्हिडीओ खूप गाजायचे. मात्र याच प्रथमेशचं गेल्या महिन्यात म्हजेच 26 जानेवारी रोजी दु:खद निधन झालं. तो बराच काळ आजारी होता, अखेर 26 जानेवारी रोजी त्याने अखेरचा श्वास घेतला. त्याच्या मित्रांनी सोशल मीडियावर पोस्ट लिहित ही दु:खद बातमी सर्वांना सांगितली होती. मात्र त्यामुळे अनेकांना मोठा धक्का बसला. प्रथमेशचं अचानक जाणं कोणीच पचवून शकलं नाही. त्याच्या कुटुंबावर, आई-बहिणीवर तर दु:खाचा मोठा डोंगर कोसळला.

मात्र प्रथमेशच्या जाण्यानंतर त्याच्या निधनाबद्दल वेगवेगळी चर्चा होऊ लगाली, अनेक तर्क-वितर्क व्यक्त होऊ लागले. त्याचा मृत्यू कसा झाला, त्याला काय झालं होतं, त्याने आत्महत्या केली का असे अनेक प्रश्न लोकांकाडून उपस्थित होऊ लागले. त्याच्या आईला-बहिणीला मेसेज करून याबद्दल अनेकांनी विचारलं. सर्वांसाठीच हा मोठा धक्का होता. मात्र आता त्याच्या आईने, प्रतीक्षा कदम यांनी प्रथमेशच्या मृत्यूबद्दल पहिल्यांदाच भाष्य करत त्याच्या निधनाचं खरं कराण सर्वांना सांगितलं आहे. त्यांनी मौन सोडत आपल्या मुलाला नेमकं काय झालं ते नमूद केलं आणि सोशल मीडिया यूजर्सना रडत-रडत एक विनंती देखील केली.

प्रथमेश कदमने आत्महत्या केली ? आईने अखेर सोडलं मौन

प्रथमेश कदमच्या आईने त्यांच्या सोशल मीडिया अकाऊंटवरून एक व्हिडीो शेअर करत प्रथमेशच्या मृत्यूबद्दल सांगितलं आहे. आपल्या मुलाच्या जाण्याने शोकविव्हल झालेल्या त्या आईने खूप धीर करत सर्व सत्य लोकांसमोर मांडायचा निर्णय घेतला. त्यांनी त्यांच्या व्हिडीओत संपूर्ण घटना कथन केली आहे. ” नमस्कार मी प्रज्ञा प्रकाश कदम, प्रथमेशची मम्मी. गेल्या काही दिवसांपासून मला खूप म्हणजे खूपच त्रास होत होता, म्हणजे असे व्हिडीओ येत होते, असं बोललं जातं होतं की, की प्रथमेशने आत्महत्या केली, प्रथमेशला हे झालं, प्रथमेशला ते झालं. पण त्याला असं काहीही झालं नव्हतं, असं त्याच्या आईन स्पष्ट केलं. त्याचं (मृत्यूचं) खरं कारण एकच, ते म्हणजे ब्लडमध्ये कावीळ मिसळली होती. ती कावीळ म्हणजे सफेद कावीळ असते, ती कोणालाही कळत नाही. उपचारांसाठी मी जेव्हा त्याला ॲडमिट केलं, तेव्हा डॉक्टरांनी मला गॅरेंटी दिली होती. तेव्हा डॉक्टर म्हणाले, की तो दोन-तीन दिवसांत कव्हर होऊन जाईल, रिपोर्ट सर्व नॉर्मल आहेत, पण त्याच कावीळीने माझ्या मुलाचा घात केला ” हे सांगताना प्रथमेशच्या आईचा तेहरा वेदनेने पिळवटून गेला होता.

हात जोडून विनंती करते, अफवा पसरवू नका

पुढे त्यांनी याबद्दल आणखी सविस्तर माहिती दिली. ” पण डॉक्टरांनाही कळलं नाही , शेवटच्या क्षणी डॉक्टरांना कळलं की, त्याच्या रक्तामध्ये व्हाइट कावीळ मिसळली. त्याच्या पूर्ण शरीरात रक्ताची कावीळ मिसळली होती, अखेर तेव्हा डॉक्टर मला म्हणाले की आता तुम्ही देवाकडे प्रार्थना करा. डॉक्टरांचे ते बोल ऐकून मी खचून गेले की, मला वाटलं आता माझ्या मुलाची काही गॅरेंटी नाही. ती कावीळ रक्तात मिसळली की माणूस शेवटी संपतो आणि तेच झालं. 26 जानेवारीला सकाळी प्रथमेशने या जगाचा निरोप घेतला. या सगळ्याचा खूप त्रास झाला मला” असं त्या म्हणाल्या. पुढे त्यांनी सर्वांना एकच विनंती केली. ” मी सर्वांना हात जोडून विनंती करते, कोणतीही खोटी अफवा पसरवू नका. कोणीही काहीही बोलेल त्याकड लक्ष देऊ नका. आणि काय झालं, कसं झालं हे मला आणि माझ्या मुलीला मेसेज करून विचारू नका. गैरसमज दूर करण्यासाठी हा व्हिडीओ केला”. असं त्यांनी व्हिडीओमध्ये अखेरीस नमूद केलं. अश्रूंनी गदगदलेल्या स्वरात त्यांनी संपूर्ण व्हिडीओ केला.

त्यांच्या या व्हिडीओवर अनेक लोकांना कमेंट्स करत त्यांना धीर देण्याचा प्रयत्न केला. काकू आम्ही तुमच्यासोबत आहोत, असं सांगत अनेकांनी प्रथमेशच्या आईचं सांत्वन केलं. वडिलांच्या निधनानंतर प्रथमेशने त्याच्या कुटुंबाची जबाबदारी सांभाळली होती. त्याने आईलाही धीर दिला होता. आईसोबत मिळून तो सोशल मीडियावर रील पोस्ट करू लागला होता आणि त्याला नेटकऱ्यांकडूनही चांगला प्रतिसाद मिळत होता. मायलेकाची जोडी सोशल मीडियावर अनेकांना आवडत होती. आधी पतीचं निधन आणि आता तरणाताठा मुलगा गेल्याने त्याची आई प्रचंड शोकाकुल आहे.