पुणे: ई-बाईक टॅक्सीविरोधात पुण्यातील दीड लाख रिक्षाचालकांचे २३ नोव्हेंबरपासून बेमुदत आंदोलन; राज्यातही संपाची हाक

पुणे: ई-बाईक टॅक्सीच्या माध्यमातून सुरू होणाऱ्या प्रवासी वाहतुकीला विरोध करण्यासाठी पुण्यासह राज्यातील रिक्षाचालक संघटना आक्रमक झाल्या आहेत. पुणे जिल्हा रिक्षा चालक-मालक कृती समिती आणि राज्यातील सर्व रिक्षा संघटनांच्या वतीने सोमवार, (दि.२३) रोजी सकाळी ११ वाजता पुणे आरटीओ कार्यालयासमोर एकदिवसीय संप पुकारण्यात आला आहे. त्यानंतर मागण्या मान्य होईपर्यंत बेमुदत धरणे आंदोलन करण्यात येणार आहे.

या आंदोलनात पुणे जिल्ह्यातील सुमारे दीड लाख, तर राज्यातील १५ ते २० लाख रिक्षाचालक सहभागी होणार असल्याचा दावा संघटनांनी केला आहे. ई-बाईक टॅक्सीमुळे पारंपरिक रिक्षा व्यवसायावर परिणाम होऊन लाखो कुटुंबांच्या उदरनिर्वाहाचा प्रश्न निर्माण होईल, अशी भूमिका संघटनांनी मांडली.

पत्रकार परिषदेत आंदोलनाची घोषणा करताना परिवहन विभागावर अनधिकृत प्रवासी वाहतुकीला प्रोत्साहन दिल्याचा आरोप करण्यात आला. ई-बाईक टॅक्सीला दिलेली मान्यता तातडीने मागे घ्यावी, परिवहन मंत्री प्रताप सरनाईक यांनी रिक्षाचालकांच्या हिताविरोधात घेतलेले निर्णय रद्द करावेत आणि त्यांनी राजीनामा द्यावा, अशा मागण्या करण्यात आल्या आहेत. २३ नोव्हेंबरला राज्यातील सर्व जिल्हाधिकारी कार्यालयांसमोरही निदर्शने करून निवेदने दिली जाणार आहेत. मागण्या मान्य होईपर्यंत आंदोलन सुरूच ठेवण्याचा निर्धार संघटनांनी व्यक्त केला आहे.



शहर

महाराष्ट्र

राजकीय

विडियो गॅलेरी

Leave a Reply

Your email address will not be published. Required fields are marked *