ठाणे: शहापुरात संतापजनक घटना: ओळखीच्या तरुणाचे ७ वर्षांच्या मुलीवर अत्याचार; पोटदुखीतून धक्कादायक प्रकार उघड

ठाणे: जिल्ह्यातील शहापूरमध्ये एक संतापजनक घटना घडली. ओळखीतील तरुणानेच एका ७ वर्षाच्या मुलीवर बलात्कार केला. तो अधून मधून घरी याचचा. सगळे त्याला ओळखायचे. पण, त्याच्या मनातील वासनांध वृत्तीचा त्यांना अंदाज आला नाही. खाऊचे आमिष दाखवून त्याने ७ वर्षाच्या मुलीला सोबत नेले आणि नंतर तिच्यावर बलात्कार केला. मुलीचे पोट दुखायला लागल्यानंतर हा प्रकार समोर आला. शहापूर शहरात ही घटना घडली आहे. या प्रकरणी आरोपीविरोधात गुन्हा दाखल करण्यात आला आहे.

गणेश हरी कुंडे असे आरोपीचे नाव आहे. ३० वर्षीय गणेश याच्याशी पीडित मुलीच्या कुटुंबीयाची चांगली ओळख होती.

पीडित मुलीच्या आईने पोलिसांना काय सांगितले?

पीडित मुलीच्या आईने पोलिसांकडे दिलेल्या तक्रारीनुसार, महिला कुटुंबासह शहापूर परिसरात राहते. संशयित आरोपी हा त्याच परिसरात राहतो. कुटुंबीय त्याला चांगले ओळखत होते. तो अनेकदा पीडित मुलीच्या घरी यायचा. याच ओळखीचा त्याने गैरफायदा घेतला.

तक्रारीनुसार, आरोपी गणेशने ७ वर्षाच्या मुलीला खाऊचे आमिष दाखवले आणि तिच्यावर बलात्कार केला.

पोटात दुखायला लागले आणि बलात्काराची घटना समोर आली

पीडित मुलीच्या आईने तक्रारीमध्ये म्हटले आहे की, १७ नोव्हेंबर रोजी मुलीच्या पोटात दुखू लागले. तिने याबद्दल आईला सांगितले. आईने तिला विचारलं, तर तिने काही महिन्यापूर्वी घडलेली घटना सांगितली. गणेश याने तिच्यासोबत जे केले, ते कुटुंबीयांनी ऐकल्यानंतर ते हादरलेच. त्यानंतर कुटुंबीयांनी पोलीस ठाण्यात जाऊन तक्रार दिली.

या घटनेप्रकरणी शहापूर पोलिसांनी आरोपी गणेश कुंडे विरोधात गुन्हा दाखल केला आहे. १९ नोव्हेंबर रोजी रात्री १२ वाजता भारतीय न्याय संहितेच्या कलम ६४, ६४ (२), ६५ (म), ३५९ (२) तसेच पोक्सो कायद्यातील संबंधित कलमांनुसार गुन्हा दाखल करण्यात आला आहे. पोलीस आरोपीचा शोध घेत आहेत.

ठाणे जिल्ह्यातील शहापूर परिसरात घडलेल्या या प्रकारामुळे स्थानिक नागरिकांमध्ये तीव्र संताप व्यक्त केला जात आहे. पीडित मुलीच्या कुटुंबीयांशी आरोपी गणेश हरी कुंडे याची आधीपासूनच ओळख असल्याने त्याचे घरी येणे-जाणे होते. या विश्वासाला आणि ओळखीला तडा देत आरोपीने लहान मुलीला खाऊ देण्याचे आमिष दाखवून हा घृणास्पद प्रकार केल्याचे तक्रारीत नमूद करण्यात आले आहे.

१७ नोव्हेंबर रोजी मुलीला पोटदुखीचा त्रास सुरू झाल्यानंतर तिने आईला त्याबाबत सांगितले. आईने आपुलकीने विचारपूस केल्यानंतर मुलीने काही महिन्यांपूर्वी घडलेला धक्कादायक प्रकार कथन केला. या प्रकाराची माहिती मिळताच कुटुंबीयांना मोठा धक्का बसला आणि त्यांनी तातडीने पुढे येत पोलिसांकडे तक्रार नोंदवली.

तक्रारीच्या आधारे शहापूर पोलिसांनी १९ नोव्हेंबर रोजी मध्यरात्री १२ वाजता भारतीय न्याय संहितेच्या संबंधित कलमांसह बालकांचे लैंगिक अपराधांपासून संरक्षण (पोक्सो) कायद्याअंतर्गत गंभीर गुन्हा नोंदवला आहे. पीडित मुलीला आवश्यक वैद्यकीय व समुपदेशन मदत देण्यासोबतच पसार असलेल्या आरोपीचा शोध घेण्यासाठी पोलिसांकडून विविध पथकांद्वारे तपास सुरू आहे.



गुन्हा

राजकीय

विडियो गॅलेरी

Leave a Reply

Your email address will not be published. Required fields are marked *