पिंपरी-चिंचवड हादरले! बीआरटी बस थांब्याच्या जिन्यावर ४२ वर्षीय व्यक्तीची आत्महत्या; रुग्णालयाची कागदपत्रे सापडली.

पिंपरी-चिंचवड: शहरातील एम्पायर इस्टेट सोसायटीजवळील सेंट मदर टेरेसा उड्डाणपुलाखाली एका ४२ वर्षीय व्यक्तीने गळफास घेऊन आत्महत्या केल्याची धक्कादायक घटना समोर आली आहे. सिकंदर मोहम्मद शेख (वय ४२) असे आत्महत्या केलेल्या व्यक्तीचे नाव आहे. या घटनेमुळे परिसरात एकच खळबळ उडाली आहे.

 

नेमकी घटना काय?
प्राथमिक माहितीनुसार, आज (१२ जून) सकाळी ६ ते ७ वाजण्याच्या सुमारास सिकंदर शेख यांनी बीआरटी बस थांब्याकडे जाणाऱ्या जिन्यापाशी असलेल्या लाईटच्या केबलला गळफास लावून आपले आयुष्य संपवले. सकाळी मॉर्निंग वॉकसाठी बाहेर पडलेल्या नागरिकांनी हा प्रकार पाहिला आणि तातडीने याची माहिती स्थानिक प्रशासनाला दिली.

पोलिसांचा तपास सुरू
घटनेची माहिती मिळताच पिंपरी पोलिसांनी तातडीने घटनास्थळी धाव घेतली. घटनास्थळाची पाहणी केली असता, पोलिसांना रुग्णालयाशी संबंधित कागदपत्रांची एक फाईल आढळून आली आहे. यामुळे सिकंदर शेख हे कुठल्या गंभीर आजारपणामुळे किंवा मानसिक तणावाखाली होते का? या दिशेने पोलीस तपास करत आहेत. प्राथमिक अंदाजानुसार, आजारपणामुळे आलेल्या नैराश्यातून त्यांनी हे टोकाचे पाऊल उचलल्याची चर्चा आहे.

पोलिसांनी मृतदेह ताब्यात घेऊन शवविच्छेदनासाठी वायसीएम (YCM) रुग्णालयात पाठवला आहे. तसेच, परिसरातील सीसीटीव्ही फुटेज तपासले जात असून, नातेवाईकांचे जबाब नोंदवण्याचे काम सुरू आहे. भरवस्तीत आणि नेहमी वर्दळ असलेल्या ठिकाणी ही घटना घडल्याने परिसरात भीतीचे वातावरण पसरले आहे.

 

सविस्तर वाचा, लिंक कमेंट मध्ये  https://punenews24.in/