Pune : पुणेकरांसाठी मोठी दिलासादायक बातमी! विमानतळ रस्त्यावरील कोंडी संपवण्यासाठी सरकारचा दमदार प्लान तयार

Pune : पुणेकरांसाठी आनंदाची बातमी आहे. पुण्यातील वाहतूक कोंडीचा प्रश्न सोडवण्यासाठी सरकारकडून जोरदार प्रयत्न सुरू आहेत. पुणे शहरातील प्रमुख रस्त्यांच्या रुंदीकरणासह डागडुजी आणि अनेक ठिकाणी उड्डाणपूल बांधण्याचे काम सुरू आहे. यातलाच एक भाग म्हणजे विमानतळ रस्त्यावरील वाहतूक कोंडी सोडवण्यासाठी सरकारने जबरदस्त प्लान तयार केला आहे. विमानतळ रस्त्याच्या रुंदीकरणाचे काम केले जाणार आहे. त्यामुळे विमातळ रस्त्यावरील प्रवास सुसाट आणि आरामदायी होणार आहे.

पुण्यातील विमानतळ रस्त्यावर मोठी वाहतूक कोंडी होत असते. या वाहतूक कोंडीतून मार्ग काढताना पुणेकरांचे चांगलेच हाल होते. आता हा वाहतूक कोंडीचा प्रश्न सुटणार आहे. रुंदीकरणासह आंतरराष्ट्रीय दर्जाच्या रस्त्याचे काम लवकरच हाती घेतले जाणार आहे. या रस्त्यावरून प्रवास करताना पर्यटकांना पुण्याच्या समृद्ध वारसा, कला, संस्कृतीचे दर्शन घडणार आहे. हवाई मार्गाने पुण्यात येणाऱ्या पर्यटक-प्रवाशांना लवकरच जाता- येताना उत्तम दर्जाचा प्रशस्त रस्ता उपलब्ध होणार आहे.

Pune : पुण्यातून मोठी अपडेट; कसबा गणपती मंदिर 15 डिसेंबरपासून बंद, जाणून घ्या कारण… इतिहासात पहिल्यांदाच होणार विशेष प्रक्रिया

नागपूर चाळ ते विमानतळ प्रवेशद्वारापर्यंतचा रस्ता सध्याच्या १२ मीटरचा आहे. हा रस्ता २४ मीटर रुंद केला जाणार असून त्याला सुशोभीकरणाची जोड दिली जाणार आहे. सामाजिक उत्तरदायित्व निधीतून (सीएसआर) विकसित होणाऱ्या या रस्त्याचे काम लवकरच सुरू होणार आहे, अशी माहिती पुण्याचे खासदार आणि केंद्रीय राज्यमंत्री मुरलीधर मोहोळ यांनी दिली आहे.

- नागपूर चाळ ते विमानतळ रस्ता १२ मीटरवरून २४ मीटर रुंद होणार

- जागतिक दर्जाचा रस्ता विकसित केला जाणार

- पादचारी मार्ग, शोभिवंत झाडे, कारंजी, विद्युत रोषणाई

- प्रवासी आणि नागरिकांसाठी आकर्षक फर्निचर

- चित्र आणि शिल्पांद्वारे उलडगणार पुण्याचा गौरवशाली वारसा

- या रस्त्यावर घडणार कला, संस्कृती, परंपरेचे दर्शन