१० पैकी ४ भारतीय खातात 'चॉकलेट फ्राईज'! तुम्ही ट्राय केलं का हे व्हायरल कॉम्बिनेशन? नवीन अहवालातून धक्कादायक खुलासा.

तरुणाईमध्ये नवनवीन खाद्यपदार्थांचे प्रयोग करण्याची आवड वाढली आहे. 'स्वीट आणि साल्टी' चवीचे मिश्रण जिभेला वेगळी तृप्ती देते, त्यामुळेच कॅफे आणि सोशल मीडिया इन्फ्लुएन्सर्सच्या माध्यमातून हा 'चॉकलेट फ्राईज'चा ट्रेंड सध्या तुफान व्हायरल होत आहे. हे केवळ अन्न नसून एक 'सोशल एक्सपिरियन्स' बनले आहे, असेही या अहवालात नमूद करण्यात आले आहे.

अहवालातील मुख्य निष्कर्ष:
भारतीयांचा प्रयोगात्मक दृष्टिकोन: 'मॅककेन स्पड रिपोर्ट २०२६' नुसार, जगभरातील सरासरी १९ टक्के लोक फ्राईजला चॉकलेटमध्ये बुडवून (Dip) खाणे पसंत करतात, तर भारतात हे प्रमाण तब्बल ३८ टक्के इतके आहे. म्हणजेच जवळपास १० पैकी ४ भारतीय या 'स्वीट अँड साल्टी' (Sweet and Salty) कॉम्बिनेशनचा आनंद घेत आहेत.

इतर प्रयोग: चॉकलेटव्यतिरिक्त ३७ टक्के लोक फ्राईज आईस्क्रीमसोबत तर ३६ टक्के लोक मिल्कशेकसोबत खाणे पसंत करतात.

मध्यरात्रीची भूक (Late-night Snacking): भारत हा जगातील फ्राईज खाणाऱ्या प्रमुख देशांपैकी एक आहे. तब्बल ७४ टक्के भारतीयांनी मान्य केले की, ते रात्री १० नंतर फ्राईज खाणे पसंत करतात.

सोशल शेअरिंग: ६५ टक्के भारतीयांनी सांगितले की ते पहिल्या डेटवर (First Date) फ्राईज शेअर करण्यास तयार असतात, तर ४४ टक्के लोकांनी 'फ्राईज शेअर करण्यास नकार देणे' हे नातेसंबंधातील एक 'रेड फ्लॅग' (Red Flag) असल्याचे म्हटले आहे.

आवडता पदार्थ: भारतातील बटाट्यापासून बनणाऱ्या पदार्थांमध्ये 'फ्रेंच फ्राईज' हा सर्वाधिक पसंतीचा पदार्थ (३६ टक्के) ठरला आहे, ज्याने 'आलू टिक्की'लाही मागे टाकले आहे.

प्रयोगात्मक खादाडी :
भारतीय ग्राहक नवनवीन चवींच्या बाबतीत किती धाडसी आहेत, हे या अहवालातून स्पष्ट होते:

चॉकलेट आणि फ्राईज: ३८ टक्के भारतीय फ्राईज चॉकलेटमध्ये बुडवून खातात (जागतिक सरासरी १९ टक्के).

आईस्क्रीम आणि मिल्कशेक: ३७ टक्के लोक फ्राईज आईस्क्रीमसोबत आणि ३६ टक्के लोक मिल्कशेकसोबत खातात. हे कॉम्बिनेशन पाश्चात्य देशांच्या तुलनेत भारतात खूप जास्त लोकप्रिय आहे.