डोनाल्ड ट्रम्प ऐकेना..! अमेरिकेची आणखी एका युद्धात उडी घेण्याची तयारी; समोर आला क्युबावरील 'मास्टर प्लॅन

क्युबासाठी 'मास्टर प्लॅन': इराणसोबत सुरू असलेल्या तणावानंतर, आता अमेरिकेने क्युबाविरुद्ध लष्करी कारवाईचा 'मास्टर प्लॅन' तयार केला आहे. हा प्लॅन राष्ट्राध्यक्ष डोनाल्ड ट्रम्प यांच्या मंजुरीसाठी पाठवण्यात येणार आहे.

२. कॅरिबियनमध्ये अमेरिकेची हालचाल: या नियोजित ऑपरेशनचा एक भाग म्हणून, मे महिन्यात 'यूएसएस निमित्झ' (USS Nimitz) विमानवाहू स्ट्राइक ग्रुप, अनेक गाइडेड मिसाईल डिस्ट्रॉयर्स आणि क्रूझर्ससह कॅरिबियन समुद्रात तैनात करण्यात आला आहे. ही जहाजे जमिनीवर अचूक क्षेपणास्त्र हल्ले करण्यासाठी सज्ज आहेत.

३. हल्ल्याचे कारण: बुधवारी राष्ट्राध्यक्ष ट्रम्प यांच्या मंत्रिमंडळाच्या बैठकीत परराष्ट्र सचिव मार्को रुबिओ यांनी चिंता व्यक्त केली की, अमेरिकेच्या अगदी जवळ असलेला एक 'अस्थिर देश' (क्युबा) अमेरिकेच्या राष्ट्रीय सुरक्षेसाठी मोठा धोका ठरू शकतो. त्यामुळे हा संभाव्य हल्ला ही एक प्रतिबंधात्मक खेळी असल्याचे मानले जात आहे.

४. क्युबाची तयारी: क्युबानेही या संभाव्य हल्ल्याला चोख प्रत्युत्तर देण्याची तयारी केली आहे. क्युबाची सर्वात मोठी ताकद म्हणजे त्यांचे 'वॉर ऑफ ऑल द पीपल' (War of All the People) हे धोरण. यानुसार, हल्ला झाल्यास केवळ सैन्यच नव्हे, तर नागरिक आणि निमलष्करी दलही युद्धासाठी सज्ज आहेत. क्युबाकडे ५०,००० सक्रिय सैनिक आणि सुमारे ९०,००० निमलष्करी सदस्य आहेत.

५. तणावाचे वातावरण: गेल्या काही महिन्यांपासून क्युबाच्या आसपास अमेरिकन ड्रोन आणि पाळत ठेवणारी विमाने सातत्याने सक्रिय आहेत, ज्यामुळे दोन्ही देशांमधील तणाव अधिकच वाढला आहे.