कोल्हापुरात वनविभागाच्या कारवाईने तीन कुटुंबांचे संसार उद्ध्वस्त! आजारी आई, पत्नीची शस्त्रक्रिया अन् दिव्यांग मुलगा असतानाच जेसीबीने घरे व तरवे कुचटले; शेतकऱ्यांचा आत्महत्येचा इशारा

कोल्हापूर जिल्ह्यातील भुदरगड तालुक्यातील मेघोलीपैकी धनगरवाडा येथे वनविभातर्फे राबवण्यात आलेल्या एका कारवाईमुळे अत्यंत संतापजनक व संवेदनशील परिस्थिती निर्माण झाली आहे. वनविभागाने जेसीबीच्या साहाय्याने केलेल्या धडक कारवाईत तीन गरीब धनगर कुटुंबांची राहती घरे आणि शेतीसाठी तयार केलेले भात व नाचणीचे तरवे (नर्सरी) पूर्णपणे उद्ध्वस्त केल्याचा गंभीर आरोप शेतकऱ्यांनी केला आहे. या कारवाईमुळे उघड्यावर पडलेल्या या कुटुंबांनी तीव्र संताप व्यक्त केला असून, प्रशासनाच्या या अमानुष भूमिकेमुळे हताश झालेल्या शेतकऱ्यांनी आत्महत्येचा इशारा दिला आहे.

घटनेचा सविस्तर तपशील, पीडितांची व्यथा व पार्श्वभूमी:

• वडिलोपार्जित जमिनीचा दावा व हलाखीची परिस्थिती: धनगरवाड्यातील हे कुटुंबे अनेक वर्षांपासून या ठिकाणी शेती करत असून, ही त्यांची वडिलोपार्जित जमीन असल्याचा दावा करत आहेत. एका बाजूला घरात आजारी आई, नुकतीच पत्नीवर झालेली शस्त्रक्रिया आणि घरी एक दिव्यांग मुलगा असताना वनविभागाने कोणतीही पूर्वकल्पना किंवा दयामाया न दाखवता थेट जेसीबी फिरवून संसार मातीमोल केल्याचे पीडितांनी सांगितले.

• भात आणि नाचणीचे तरवे नष्ट: पावसाळ्याच्या तोंडावर शेतकऱ्यांनी वर्षभराच्या पिकासाठी जीवापाड मेहनत करून भात आणि नाचणीचे तरवे तयार केले होते. वनविभागाच्या या कारवाईमुळे हे सर्व तरवे मातीमोल झाले असून, हाताशी आलेले पीक नष्ट झाल्यामुळे या कुटुंबांसमोर जगण्याचा मोठा प्रश्न निर्माण झाला आहे.

• शेतकऱ्यांचा तीव्र रोष व आत्महत्येचा इशारा: प्रशासनाच्या या कारवाई विरोधात स्थानिक शेतकरी आणि ग्रामस्थांमध्ये तीव्र संतापाची लाट उसळली आहे. न्याय न मिळाल्यास तीव्र आंदोलन पुकारण्याचा व कुटुंबासह आत्महत्येचा मार्ग पत्करण्याचा इशारा या गरीब शेतकऱ्यांनी दिला आहे. यामुळे स्थानिक प्रशासकीय वर्तुळात खळबळ उडाली आहे.