ग्राहकांसाठी आनंदाची बातमी! आता बँका तुमच्या परवानगीशिवाय कोणतीही सेवा किंवा विमा विकू शकणार नाहीत; आरबीआयचे कडक नियम.

बँकिंग क्षेत्रात व्यवहार करणाऱ्या ग्राहकांसाठी भारतीय रिझर्व्ह बँकेने (RBI) एक अत्यंत महत्त्वाचा निर्णय घेतला आहे. बँकांकडून होणारी 'मिस-सेलिंग' (जबरदस्तीने किंवा चुकीच्या पद्धतीने वस्तू विकणे) आणि ग्राहकांची दिशाभूल थांबवण्यासाठी आरबीआयने नवीन कडक नियम लागू केले आहेत. हे नवीन नियम १ जानेवारी २०२७ पासून अंमलात येतील.

 

 

आरबीआयच्या निर्णयाचे मुख्य मुद्दे:

• परवानगीशिवाय सेवा बंद: अनेकदा ग्राहक कर्ज किंवा इतर कामांसाठी बँकेत जातात, तेव्हा त्यांना न विचारता विनाकारण विमा (Insurance) किंवा इतर सेवा लादल्या जातात. यापुढे ग्राहकाच्या स्पष्ट संमतीशिवाय कोणतीही सेवा किंवा उत्पादन सुरू करता येणार नाही.

• मिस-सेलिंगला आळा: ग्राहकांच्या आर्थिक गरजा आणि परिस्थितीची तपासणी न करता त्यांना उत्पादने विकणे, अर्धवट माहिती देणे किंवा कर्ज मंजुरीसाठी विमा खरेदीची सक्ती करणे यावर आरबीआयने बंदी घातली आहे.

• दोष सिद्ध झाल्यास दंड: जर बँकेने ग्राहकाच्या संमतीशिवाय कोणतीही सेवा सुरू केल्याचे किंवा चुकीची माहिती देऊन उत्पादन विकल्याचे सिद्ध झाले, तर बँकेला ग्राहकाचे सर्व पैसे परत करावे लागतील. तसेच, ग्राहकाला झालेल्या नुकसानाची भरपाई सुद्धा बँकेला द्यावी लागणार आहे.

• डिजिटल फसवणुकीवर नियंत्रण: मोबाईल ॲप किंवा ऑनलाइन फॉर्मद्वारे ग्राहकांच्या नकळत काही सेवा सक्रिय (Activate) केल्या जातात, त्या प्रकारांनाही या नवीन नियमामुळे चाप बसेल.

आरबीआयचा हा निर्णय सर्वसामान्य ग्राहकांच्या हक्कांचे संरक्षण करण्यासाठी आणि बँकिंग पारदर्शकता वाढवण्यासाठी उचललेलं एक मोठं पाऊल मानले जात आहे. यामुळे बँकिंग व्यवहारांमध्ये होणारी ग्राहकांची फसवणूक थांबण्यास मोठी मदत होईल.

 

सविस्तर वाचा, लिंक कमेंट मध्ये  https://punenews24.in/