पीओके: ही दहशतगर्दी, त्यामागे वर्दी; बलुचिस्तान-खैबरनंतर आता PoJK मध्ये पाकिस्तानाविरोधात संतापाची लाट!

पाकव्याप्त काश्मीर (PoJK) मध्ये सध्या तणावाचे वातावरण असून, तेथील नागरिक पाकिस्तान प्रशासनाच्या धोरणांविरुद्ध रस्त्यावर उतरले आहेत. या आंदोलनादरम्यान "ये जो दहशतगर्दी है, इसके पीछे वर्दी है" (ही जी दहशतगर्दी आहे, त्यामागे वर्दी आहे) अशी अत्यंत आक्रमक घोषणाबाजी केली जात आहे.
ही घोषणा यापूर्वी बलुचिस्तान आणि खैबर पख्तूनख्वा यांसारख्या बंडखोर प्रांतांमध्ये ऐकायला मिळायची, मात्र आता ती काश्मीरच्या वेशीवर पोहोचल्याने पाकिस्तानी प्रशासन आणि लष्कराची चिंता वाढली आहे.

आर्थिक आणि सामाजिक मागण्या: 'जम्मू-काश्मीर जॉइंट अवामी ॲक्शन कमिटी' (JAAC) च्या नेतृत्वाखाली हे आंदोलन सुरू झाले आहे. स्थानिक रहिवासी वीज आणि पिठाच्या दरांमध्ये सवलत, तसेच नागरी स्वातंत्र्याची मागणी करत आहेत.

राजकीय वाद: PoJK विधानसभेच्या १२ जागा १२ निर्वासितांसाठी राखीव ठेवण्याच्या निर्णयाला विरोध असून, आंदोलकांनी या जागांचे आरक्षण रद्द करण्याची मागणी केली आहे.

दडपशाही: पाकिस्तान सरकारने 'JAAC' या संघटनेवर दहशतवादविरोधी कायद्यांतर्गत बंदी घातली आहे, ज्याचा मानवाधिकार संघटनांनी आणि स्थानिक नागरिकांनी तीव्र निषेध केला आहे. गेल्या काही दिवसांत झालेल्या हिंसक संघर्षामुळे आणि पोलिसांच्या कारवाईत अनेक निष्पाप नागरिकांचा मृत्यू झाल्यामुळे आंतरराष्ट्रीय स्तरावर या परिस्थितीबद्दल चिंता व्यक्त केली जात आहे.