Pune : पुण्यात इमारतीचा स्लॅब कोसळला, ढिगाऱ्याखाली अडकलेल्या दोघांना सुखरुप बाहेर काढलं

Pune : पुण्यातील एका हॉटेलजवळ बांधकाम सुरू असताना स्लॅब कोसळल्याची घटना घडली. यात दोघेजण अडकल्याची माहिती समोर आली होती. या घटनेची माहिती मिळताच अग्निशामक दल घटनास्थळी दाखल झाले. ढिगाऱ्याखाली अडकलेल्या लोकांच्या सुटकेसाठी शर्थीचे प्रयत्न करण्यात आले. अग्निशमन दलाने दोघांना सुखरुप बाहेर काढलं आहे. इमारतीचं पुर्नबांधकाम सुरू असताना ही घटना घडली.

याबाबत मिळालेली माहिती अशी की, पुण्यात ढोले पाटील रस्त्यावर हॉटेल कपिलाजवळ इमारतीचा स्लॅब कोसळलाय. यात दोघे जण ढिगाऱ्याखाली अडकले आहेत. स्लॅब कोसळल्याच्या घटनेनंतर अडकलेल्यांना बाहेर काढण्याचं काम सुरू आहे. जिवितहानीबाबत अद्याप काही माहिती समोर आली नाहीय.

Mumbai : वंदे भारत स्लीपर ट्रेन पुढच्या महिन्यात धावणार, बुलेट ट्रेनवरही रेल्वे मंत्र्यांचे मोठं वक्तव्य

पुण्यात ढोले पाटील रोडवर स्लॅब कोसळला यामध्ये दोन जण अडकले होते. त्यांना स्थानिक नागरिक व अग्निशामन दलाच्या जवानांनी सुखरूप बाहेर काढलं. ढोले पाटील रस्ता, हॉटेल कपिला जवळ एक स्लॅब कोसळून दोन जण अडकल्याची घडली होती अग्निशमन दलाची तीन वाहन रोडवर घटनास्थळी दाखल झाली बचावकार्य युद्धपातळीवर सुरू केल. बांधकाम परवानगी होती का याची चौकशी करणार असून कार्यवाही करू वॉर्ड ऑफिसर क्षेत्रीय कार्यालय धुमाळ यांनी सांगितलं तर जे जखमी झालेले आहेत त्यांच्यावरती रुग्णालयात उपचार सुरू असल्याचं अग्निशामन दलाधिकारी यांनी सांगितल.