कल्याण-डोंबिवलीत पाणीबाणी! १२ ते २१ जून दरम्यान २४ तास पाणीपुरवठा बंद; तुमच्या भागाचे वेळापत्रक तपासा

कल्याण: कल्याण-डोंबिवली महानगरपालिका (KDMC) हद्दीत राहणाऱ्या नागरिकांसाठी एक महत्त्वाची बातमी आहे. जलसंपदा विभागाकडून पाणी साठ्याचे नियोजन करण्यासाठी १२ जून ते २१ जून या कालावधीत शहराच्या विविध भागांत २४ तासांचा पाणीपुरवठा बंद ठेवण्याचा निर्णय घेण्यात आला आहे. यामुळे या कालावधीत नागरिकांना पाणी टंचाईचा सामना करावा लागणार आहे.

 

नेमके काय आहे नियोजन?
बारावे, मोहिली आणि नेतिवली जलशुद्धीकरण केंद्रांतून होणाऱ्या पाणीपुरवठ्यात टप्प्याटप्प्याने कपात केली जाणार आहे. केडीएमसी प्रशासनाने दिलेल्या माहितीनुसार, दुरुस्ती कामे आणि जलवाहिन्यांच्या देखभालीसाठी तसेच पाण्याचे योग्य नियोजन करण्यासाठी हे शटडाउन घेण्यात आले आहे.

नागरिकांना आवाहन:
पाणीपुरवठा बंद राहणाऱ्या दिवशी नागरिकांनी पाण्याचा काटकसरीने वापर करावा, असे आवाहन पालिकेच्या पाणीपुरवठा विभागाने केले आहे. ज्या दिवशी पाणीपुरवठा बंद असेल, त्याच्या आधीच्या दिवशी पुरेसा पाणीसाठा करून ठेवावा, जेणेकरून गैरसोय टाळता येईल.

शहरातील विशिष्ट विभागानुसार हा पाणी कपातीचा कार्यक्रम जाहीर करण्यात आला असून, संबंधित भागातील नागरिकांनी आपल्या नळावाटे होणारा पाणीपुरवठा खंडित असणार असल्याची नोंद घ्यावी. या काळात महापालिकेच्या टँकर सेवेचा वापर आपत्कालीन परिस्थितीसाठी मर्यादित स्वरूपात केला जाणार आहे.

 

सविस्तर वाचा, लिंक कमेंट मध्ये  https://punenews24.in/