Udhav Thackeray : “भाजपाचं सरकार आणा अन् रामलल्लाचे मोफत दर्शन घ्या”, अमित शाहांच्या विधानावर उद्धव ठाकरे म्हणाले…

उद्धव ठाकरे म्हणाले, “कर्नाटक विधानसभा निवडणुकीत पंतप्रधान नरेंद्र मोदी बजरंगबली की जय’ म्हणत मतदान करण्याचं आवाहन केलं होतं. गृहमंत्री अमित शाह यांनी मध्य प्रदेशात ‘रामल्लाचे दर्शन मोफत घडवू’ असं जाहीर केलं आहे. अमित शाहांनी फक्त मध्य प्रदेशपुरतं ही घोषणा करू नये. देशातील कानाकोपऱ्यात रामभक्त आहेत. त्या भक्तांना सोयीनुसार मोफत अयोध्या वारी करावावी.”

“पंतप्रधान ज्याअर्थी ‘बजरंगबली की जय’ म्हणत मतदानाचं बटण दाबण्याचं आवाहन करतात. त्याप्रमाणेच आम्ही देखील येत्या निवडणुकीत जनतेला आवाहन करतो की, ‘जय भवानी, जय शिवाजी’, ‘हर हर महादेव,’ ‘जय श्रीराम’ बोलून मतदान करा. राज्यकर्त्यांना सुबुद्धी मिळो म्हणून ‘गणपती बाप्पा मोरया’ बोलून मतदान करा,” असंही उद्धव ठाकरेंनी म्हटलं.