IPL 2024 च्या एक दिवसआधी गुजरात टायटन्सची मोठी घोषणा! मोहम्मद शमीच्या जागी खेळणार 'हा' पठ्ठ्या

Sandeep Warrier as replacement for Mohammed Shami : आयपीएल 2024 साठी जवळपास सर्व तयारी पूर्ण झाली आहे. कारण आयपीएलचा थरार उद्यापासून म्हणजेच 22 मार्चपासून रंगणार आहे. जिथे एमएस धोनीच्या नेतृत्वाखाली चेन्नई सुपर किंग्जचा सामना फॅफ डु प्लेसिस आणि स्टार विराट कोहलीच्या रॉयल चॅलेंजर्स बंगळुरूशी होणार आहे. या सामन्यासाठी दोन्ही संघ चेन्नईत उपस्थित आहेत.

दरम्यान, गुजरात टायटन्सनेही आपल्या तयारीत कोणतीही कसर सोडली नाही. हंगाम सुरू होण्याआधीच दुखापतग्रस्त मोहम्मद शमीच्या बदलीची घोषणा केली आहे. वर्ल्ड कपदरम्यान झालेल्या दुखापतीमुळे शमी या संपूर्ण हंगामातून बाहेर आहे आणि त्याच्यावर शस्त्रक्रिया करावी लागली.

...म्हणून धोनी क्रिकेटपासून दूर जात गेला', IPL आधी टीम इंडियाच्या स्टार खेळाडूचे मोठे वक्तव्य

आयपीएल 2024 सुरू होण्याच्या दोन दिवस आधी म्हणजे बुधवार 20 मार्च रोजी गुजरात टायटन्सने त्यांच्या संघात बदल केले आणि संदीप वारियरचे नाव जाहीर केले. आयपीएल 2024 मध्ये शमीची जागा संदीप घेणार आहे.

भारताचा अनुभवी वेगवान गोलंदाज शमीवर नुकतीच यशस्वी शस्त्रक्रिया झाली आणि तो सध्या बरा झाला आहे. त्याच्या जागी खेळणाऱ्या संदीप वारियरने आतापर्यंत 5 आयपीएल सामने खेळले आहेत. गुजरात टायटन्सने त्याला ५० लाख रुपयांमध्ये आपल्या संघात समाविष्ट केले आहे.

संदीपच्या आयपीएल रेकॉर्डवर एक नजर टाकली तर, त्याने 5 सामन्यात केवळ दोन विकेट्स घेतल्या आहेत. मात्र, वॉरियरला आयपीएलमध्ये फारशा संधी मिळालेल्या नाहीत. तो केकेआरकडून आयपीएलमध्ये खेळला आहे. याशिवाय तो मुंबई इंडियन्स आणि रॉयल चॅलेंजर्स बंगळुरूचाही भाग राहिला आहे. देशांतर्गत क्रिकेटमध्ये तो केरळकडून खेळतो.