Belasis Flyover : वेळेपूर्वी काम पूर्ण; दक्षिण मुंबईतील कोंडी फोडणारा उड्डाणपूल तयार, तरी उद्घाटनाला विलंब का?

Mumbai : पूर्णपणे तयार होऊन सज्ज असलेल्या मुंबईतील काही महत्त्वाच्या प्रकल्पांचे उद्घाटन आता महापौर-उपमहापौर आल्यानंतरच करण्याचा निर्णय मुंबई महापालिकेने घेतला आहे. त्यामुळे सर्व कामे पूर्ण होऊनही केवळ राजकीय नेत्यांच्या अट्टाहासामुळे महत्त्वाचा असा बेलासिस उड्डाणपूल विलंबानेच वाहनचालकांच्या सेवेत येणार आहे.

मुंबई सेंट्रल स्थानकानजीक रेल्वे मार्गावरील ब्रिटिशकालीन बेलासिस उड्डाणपूल धोकादायक जाहीर झाल्यानंतर त्याच्या पुनर्बांधणीचे काम महापालिकेने हाती घेतले. या पुलाच्या बांधकामाचा कार्यादेश सप्टेंबर २०२४मध्ये देण्यात आला. प्रत्यक्ष कामाला १ ऑक्टोबर २०२४ रोजी सुरुवात झाली होती. महानगरपालिका पूल विभाग व रेल्वे विभागाचे अभियंते पहिल्या दिवसापासूनच पुलाचे काम विक्रमी वेळेत पूर्ण करण्यासाठी प्रयत्नशील होते. तयासाठी संपूर्ण कामाची विभागणी करून नियोजन करण् यात आले. कामकाजाचची कालमर्यादा निश्चित करण् यात आली. तसेच, कोणत् याही परिस्थितीत कालमर्यादा पाळली जाईल, याची दक्षता अभियंत् यांनी घेतली. त्यानुसार ताडदेव-नागपाडा आणि मुंबई सेंट्रल स्थानकाला जोडणारा बेलासिस पूल २० जानेवारी २०२६ रोजी म्हणजे अवघ्या १५ महिने सहा दिवसांत पूर्ण झाला. निविदा अटी-शर्तीनुसार या उड्डाणपुलाचे काम पूर्ण करण्यासाठी एप्रिल २०२६ची मुदत होती. मात्र हे काम मुदतीपूर्वीच पूर्ण झाले.

Pune : पुण्यात धक्कादायक प्रकार; भाजप राष्ट्रीय प्रवक्त्याच्या आईला कारने चिरडलं, CNG पंपावरील CCTV व्हिडिओ व्हायरल

या पुलाचे उद्घाटन २६ जानेवारीला करण्याचे नियोजन होते. मात्र मुंबईला महापौर-उपमहापौर मिळाल्यानंतरच त्यांच्या हस्ते या पुलाचे उद्घाटन करण्याचे नियोजन आखण्यात आल्याची माहिती सूत्रांनी दिली. ११ किंवा १२ फेब्रुवारीला महापौर निवडणूक होण्याची शक्यता आहे, तोपर्यंत हा पूल उदघाटनाच्या प्रतीक्षेत राहणार आहे.

वाहतूककोंडी कमी होण्यास मदत
दक्षिण मुंबईतील जहांगीर बोमन बेहराम मार्गावरील (पूर्वीचे बेलासिस रोड) बेलासिस पूल हा मुंबई सेंट्रल, नागपाडा आणि ताडदेव या भागांना लोहमार्गावरून पूर्व-पश्चिमेला जोडणारा महत्त्वाचा दुवा आहे. बेलासिस पुलाच्या पुनर्बाधणीमुळे दोन वर्षांपासून बाधित झालेली पूर्व-पश्चिम वाहतुकीची सुविधा पुन्हा सुरू होणार आहे. बेलासिस पूल कार्यान्वित झाल्यावर जहांगीर बोमन बेहराम मार्ग (पूर्वीचे बेलासिस रोड), दादासाहेब भडकमकर मार्गावरील (ग्रॅण्ट रोड), विशेषतः पठे बापूराव मार्ग व महालक्ष्मी स्थानक पुलावरील वाहतूक कोंडी कमी होण्यास मदत होणार आहे.