मॉडेलला बेड्या! बँकॉकहून तस्करी करून आणलेला ११.८२ कोटींचा 'हायड्रोपोनिक गांजा' जप्त; मुंबई विमानतळावर मोठी कारवाई.

मुंबई: मुंबई आंतरराष्ट्रीय विमानतळावर सीमाशुल्क विभागाच्या (Customs Department) एअर इंटेलिजन्स युनिटने (AIU) मोठी कारवाई करत एका २८ वर्षीय मॉडेलला अमली पदार्थांच्या तस्करीप्रकरणी अटक केली आहे. हर्ष सनी असे या मॉडेलचे नाव असून, तिच्याकडून तब्बल ११ कोटी ८२ लाख रुपयांचा हायड्रोपोनिक गांजा जप्त करण्यात आला आहे.

 

नेमकी घटना काय?
हर्ष सनी ही १० ते ११ जूनच्या मध्यरात्री एअर इंडियाच्या विमानाने (TG-351) बँकॉकहून मुंबईत दाखल झाली होती. तिची देहबोली आणि हालचाली संशयास्पद वाटल्याने विमानतळावरील सीमाशुल्क अधिकाऱ्यांनी तिला थांबवून तिच्या सामानाची कसून तपासणी केली. तपासणीदरम्यान तिच्या ट्रॉली बॅगेत व्हॅक्यूम-सील्ड केलेली १२ पाकिटे आढळून आली. ही पाकिटे उघडून पाहिली असता त्यात ‘हायड्रोपोनिक वीड’ किंवा ‘हायड्रोपोनिक मारिजुआना’ (गांजाच्या वाळलेल्या कळ्या) असल्याचे स्पष्ट झाले.

अटक आणि कारवाई
अमली पदार्थ मिळून आल्यानंतर सीमाशुल्क विभागाने अमली पदार्थ प्रतिबंधक कायदा (NDPS Act) अंतर्गत गुन्हा दाखल करत हर्ष सनीला तातडीने अटक केली. त्यानंतर तिला न्यायालयात हजर करण्यात आले असता, न्यायालयाने तिला न्यायालयीन कोठडी सुनावली आहे. उल्लेखनीय म्हणजे, हर्ष सनी ही ‘मिसेस केरळ’ स्पर्धेत सहभागी झाल्यामुळे चर्चेत होती. आता या मॉडेलच्या अटकेमुळे अमली पदार्थांच्या आंतरराष्ट्रीय तस्करीत मॉडेलिंग क्षेत्रातील व्यक्तींचा सहभाग समोर आल्याने खळबळ उडाली आहे. सीमाशुल्क विभाग आता या तस्करीमागील मुख्य सूत्रधार कोण आहेत, याचा शोध घेत आहे.

 

सविस्तर वाचा, लिंक कमेंट मध्ये  https://punenews24.in/