हैदराबाद हादरले! आंबे खाल्ल्यानंतर दोन सख्ख्या बहिणींचा मृत्यू; 'फूड पॉयझनिंग'चा संशय, पोलिसांकडून सखोल तपास सुरू.

हैदराबाद: तेलंगणाची राजधानी असलेल्या हैदराबादमधून एक अत्यंत धक्कादायक आणि दुःखद बातमी समोर आली आहे. नरायणगुडा परिसरात राहणाऱ्या दोन सख्ख्या बहिणींचा उपचारादरम्यान मृत्यू झाला असून, त्यांना 'फूड पॉयझनिंग' झाल्याचा संशय व्यक्त केला जात आहे.

 

नेमकी घटना काय? मृत्यू झालेल्या मुलींची नावे भुवनेश्वरी (१७) आणि संध्या (१०) अशी आहेत. सुरुवातीला आलेल्या बातम्यांनुसार, या मुलींनी आंबे खाल्ल्यानंतर त्यांना उलट्या आणि जुलाबाचा त्रास सुरू झाला. त्यानंतर त्यांना तातडीने रुग्णालयात दाखल करण्यात आले होते. मात्र, उपचारादरम्यान ७ जून रोजी भुवनेश्वरी आणि ९ जून रोजी संध्याचा मृत्यू झाला. या घटनेमुळे परिसरात मोठी खळबळ उडाली आहे.

पोलीस तपासाची दिशा: या घटनेची दखल घेऊन नरायणगुडा पोलिसांनी संशयास्पद मृत्यूचा गुन्हा दाखल केला आहे. या प्रकरणाच्या तपासासाठी दोन वेगळे एफआयआर (FIR) नोंदवण्यात आले आहेत.
१. अन्न विषबाधा (Food Poisoning): प्राथमिक तक्रारीनुसार, कुटुंबाने आंबे खाल्ल्यानंतर त्यांना त्रास सुरू झाला. त्यामुळे ते आंबे विषारी होते का किंवा त्यावर रासायनिक प्रक्रिया केली होती का, याचा तपास केला जात आहे.
२. दुसरी शक्यता: पोलिसांनी स्पष्ट केले आहे की, केवळ आंबे खाल्ल्यामुळेच हा प्रकार घडला असावा असे ठामपणे सांगता येणार नाही. घरातील इतर काही खाद्यपदार्थांमुळे किंवा इतर कारणांमुळेही ही विषबाधा झालेली असू शकते.

सध्या पोलिसांनी दोन्ही मुलींचे मृतदेह शवविच्छेदनासाठी ओस्मानीया रुग्णालयात पाठवले असून, 'व्हिसेरा' (Viscera) नमुने फॉरेन्सिक लॅबमध्ये तपासणीसाठी पाठवण्यात आले आहेत. अहवाल आल्यानंतरच मृत्यूचे नेमके कारण स्पष्ट होईल. पीडित कुटुंबातील इतर सदस्य देखील आजारी असून त्यांच्यावर उपचार सुरू आहेत. या घटनेमुळे फळांमधील रसायनांच्या वापराबाबत आणि अन्नसुरक्षेबाबत पुन्हा एकदा गंभीर प्रश्नचिन्ह निर्माण झाले आहे.

 

सविस्तर वाचा, लिंक कमेंट मध्ये  https://punenews24.in/