नागपूर: कर्जमाफीचा नुसता गाजावाजा, पण ७ दिवसांत विदर्भात ११ शेतकऱ्यांच्या आत्महत्या; भीषण वास्तव समोर

नागपूर: राज्यात एका बाजूला कर्जमाफीची मोठी चर्चा सुरू असताना आणि सरकारने ५५.७२ लाख शेतकऱ्यांचे ३६,५८५ कोटी रुपयांचे पीककर्ज माफ केल्याचा दावा केला असताना, दुसरीकडे विदर्भात शेतकरी आत्महत्येचे सत्र सुरूच आहे. केवळ ७ दिवसांच्या कालावधीत विदर्भात ११ शेतकऱ्यांनी टोकाचे पाऊल उचलत आत्महत्या केल्याची धक्कादायक माहिती समोर आली आहे.

कर्जमाफी आणि वास्तव: सरकारने शेतकऱ्यांच्या हितासाठी ही कर्जमाफी जाहीर केली असली, तरी ती पूर्णपणे सरसकट नाही. सरकारने या कर्जमाफीसाठी दोन लाख रुपयांपर्यंतच्या थकीत पीककर्जाची अट घातली आहे, ज्याचा लाभ सर्वच गरजू शेतकऱ्यांना मिळत नसल्याचे दिसून येत आहे. या अटींमुळे अनेक शेतकरी अद्यापही कर्जबाजारी असून, वाढत्या आर्थिक संकटामुळे हवालदिल झाले आहेत. विदर्भातील ही परिस्थिती कर्जमाफीच्या सरकारी दाव्यांवर आणि त्यातील तांत्रिक अडचणींवर मोठे प्रश्नचिन्ह निर्माण करणारी आहे.

 

सात दिवसांत ११ शेतकऱ्यांच्या मृत्यूने संपूर्ण विदर्भात हळहळ व्यक्त केली जात आहे.