Ravi Landge : पिंपरी-चिंचवडमध्ये इतिहास घडला! दोनवेळा बिनविरोध नगरसेवकानंतर आता बिनविरोध महापौर; रवी लांडगेंची दमदार कामगिरी

Pimpri-Chinchwad :  श्रीमंत महानगरपालिका म्हणून ओळख असलेल्या पिंपरी-चिंचवड महानगरपालिकेचे महापौरपद यंदा भोसरी विधानसभेकडे गेले आहे. दोनवेळा बिनविरोध नगरसेवक म्हणून निवडून आलेले भाजपचे रवी बाबासाहेब लांडगे यांची पिंपरी–चिंचवड महानगरपालिकेच्या महापौरपदी बिनविरोध निवड करण्यात आली आहे. तसेच भाजपच्या शर्मिला बाबर यांचीही उपमहापौरपदी बिनविरोध निवड झाली आहे.

पिंपरी-चिंचवड महापौरपदी रवी लांडगे
राष्ट्रवादी काँग्रेस पक्षाच्या वैशाली काळभोर यांनी उपमहापौर पदासाठी अर्ज दाखल केला होता. मात्र, त्यांनी आज आपला अर्ज मागे घेतल्याने शर्मिला बाबर यांच्या बिनविरोध निवडीचा मार्ग मोकळा झाला. दरम्यान, भाजपमध्ये महापौर पदासाठी इच्छुक असलेले शहराध्यक्ष शत्रुघ्न काटे आणि नगरसेविका शीतल शिंदे हे अद्यापही नाराज असल्याची जोरदार चर्चा आहे. मात्र, दोघांनीही आज सभागृहात उपस्थिती लावली.

Pune Crime : ‘‘आय मिस यू दिव्यांशी…’,पत्नी-मुलीचा विरह असह्य; फेसबुक लाईव्ह करत तरुणानं उचललं टोकाचं पाऊल, पुण्यात खळबळ

पिंपरी–चिंचवड महानगरपालिकेवर भाजपचे रवी लांडगे यांची बिनविरोध महापौर म्हणून निवड झाली असून, भाजपच्याच शर्मिला बाबर यांची उपमहापौरपदी बिनविरोध निवड करण्यात आली आहे. राष्ट्रवादी काँग्रेसच्या वैशाली काळभोर यांनी उपमहापौर पदासाठी दाखल केलेला अर्ज आज मागे घेतल्याने ही निवड बिनविरोध झाली. या संपूर्ण प्रक्रियेची अधिकृत घोषणा पिठासीन अधिकारी दीपक तावरे यांनी केली.

रवी लांडगे 27वे महापौर
पिंपरी–चिंचवड महानगरपालिकेतील रवी लांडगे हे 27 वे महापौर ठरले आहेत. महापौर आणि उपमहापौर पदासाठी 2 फेब्रुवारी रोजी अर्ज दाखल करण्यात आले होते. दोन्ही पदांसाठी निवड केवळ औपचारिकतेपुरतीच उरली होती. आज पिठासीन अधिकाऱ्यांनी शिक्कामोर्तब करत रवी लांडगे यांची महापौरपदी, तर शर्मिला बाबर यांची उपमहापौरपदी बिनविरोध निवड जाहीर केली. सकाळी 11 वाजण्याच्या सुमारास नवनियुक्त नगरसेवकांची विशेष सभा पार पडली. याच सभेत महापौर आणि उपमहापौर पदाची निवड प्रक्रिया पूर्ण करण्यात आली.

रवी लांडगे हे आतापर्यंत दोनवेळा बिनविरोध नगरसेवक म्हणून निवडून आले आहेत. त्यांच्या कुटुंबातील चुलते स्वर्गीय अंकुशराव लांडगे यांनी भाजप संघटन मजबूत करण्यात महत्त्वाची भूमिका बजावली होती. रवी लांडगे यांनी महापौर पदासाठी आपली राजकीय ताकदही आजमावली आणि अखेर त्यांना यश मिळाले. दरम्यान, महापौर पदासाठी शहराध्यक्ष शत्रुघ्न काटे आणि नगरसेवक शीतल शिंदे यांची नावे शर्यतीतून बाहेर पडल्याने भाजपच्या अंतर्गत राजकारणात नाराजीचे सूर उमटत असल्याची चर्चा आहे.