Pune : स्वीकृतपद फिल्डिंगसाठी पुण्यात गर्दी; चंद्रकांतदादा आणि मोहोळांकडे लक्ष, मुरली अण्णा ठाम, निवडणुकीत काय ठरेल?

Pune : 'महापालिका निवडणुकीत उमेदवारी देताना ज्यांना संधी देता आली नाही, त्यांनाच स्वीकृत सदस्य करण्याचा विचार भारतीय जनता पक्षाचा आहे,' असे सुतोवाच केंद्रीय राज्यमंत्री मुरलीधर मुरलीधर मोहोळ यांनी बुधवारी केले. वरिष्ठ पातळीवर जो निर्णय होईल तो होईल. मात्र, जो उमेदवार सक्षम होता, निवडून आला असता, असे २० ते २५ इच्छुक आहेत, असे मोहोळ म्हणाले.

पुणे महापालिकेत स्वीकृत नगरसेवकांचा कोटा निश्चित झाला असून, भाजपच्या वाट्याला सात, राष्ट्रवादी काँग्रेस दोन, तर काँग्रेसला एक अशा दहा जागा मिळणार असल्याचे स्पष्ट झाले आहे. महापालिका निवडणुकीत पराभव झालेले भाजपमधील ४६ उमदेवार आहेत. त्यांच्यातील काही उमेदवारांकडून स्वीकृतपदी वर्णी लागावी, यासाठी प्रयत्न सुरू आहेत. एकिकडे उमेदवारी न मिळाल्यामुळे नाराज असलेल्यांची संख्या मोठी आहे. अशा परिस्थितीत पराभव झालेल्या उमेदवारांना स्वीकृतपदी संधी कशी द्यायची, अशा मतप्रवाह भाजपमध्ये सुरू झाला आहे.

Maharashtra Weather : हवामानाचा लहरी खेळ! दिवसा कडक ऊन, रात्री हुडहुडी; पुढील २४ तासांत पावसाची शक्यता, थंडीचाही जोर वाढणार

'फिल्डिंग'साठी रांग
मोहोळ यांनी पुणे श्रमिक पत्रकार संघात वार्तालापप्रसंगी स्वीकृत नगरसेवकपदाबाबत भाष्य केले. त्यामध्ये त्यांनी 'पराभव झालेल्या उमेदवारांना स्वीकृत नगरसेवकपद नाही,' अशी स्पष्ट भूमिका घेतली आहे. स्वीकृतपदी संधी मिळावी, यासाठी मोहोळ यांच्याकडे फिल्डिंग लावण्यासाठी इच्छुकांची रांग आहे. या इच्छुकांना तोंड देताना त्यांची दमछाक होत असल्याचे चित्र दिसते आहे. उच्च व तंत्र शिक्षणमंत्री चंद्रकांत पाटील पुण्यात दाखल झाल्यानंतर त्यांच्या निवासस्थानीही गर्दी वाढली आहे. भाजपकडे सात जागा असून, अडीच वर्षांसाठी एकाला संधी देण्याचा विचार सुरू आहे. अशा प्रकारे या पंचवार्षिकमध्ये १४ इच्छुकांना संधी देण्याची चर्चा भाजपमध्ये आहे.

पुन्हा तारेवरची कसरत
महापालिकेच्या निवडणुकीत भाजपकडून उमेदवारी मिळण्यासाठी तीन हजारांहून अधिक अर्ज खरेदी करण्यात आले होते. त्यातील १८००हून अधिक जणांनी उमेदवारी मागितली होती. महापालिकेच्या १६५ जार्गासाठी उमेदवारी देताना भाजपला तारेवरची कसरत करावी लागली होती. उमेदवारी जाहीर झाल्यानंतर अनेक जणांकडून नाराजी व्यक्त करण्यात आली. निष्ठावांनावर अन्याय झाल्याची भावनाही कार्यकत्यांमध्ये होती. या वेळी १०० हून अधिक इच्छुकांना स्वीकृत नगरसेवकपदी संधी देण्याचे सूतोवाच करण्यात आले होते; तसेच बहुतेक जणांना प्रभागामध्ये प्रचार करण्यासाठी समन्वयक म्हणून नियुक्तीही करण्यात आली होती. पार्श्वभूमीवर या इच्छुकांकडून आता स्वीकृत नगरसेवकपदी संधी मिळावी यासाठी जोरदार प्रयत्न करण्यात येत आहेत. यामुळे सुरुवातीला उमेदवारी देताना करावी लागलेली कसरत स्वीकृतच्या वेळीही करावी लागणार आहे.