Pune Accident News : नवले पुलावरील भय संपेना!; अपघातांचं सत्र सुरुच, आजही दोन अपघात

Pune Accident News : पुणे-बँगलोर महामार्गावरील नवले पुलावरील अपघाताचं सत्र थांबताना दिसत नाही. आजही नवले पुलावर दोन अपघात झाले आहेत. सुदैवाने या अपघातात कोणहीती जीवितहानी झालेली नाही. तीव्र उतारामुळे नवले पुलावार अपघात होतच आहेत.

नवले पुलावर सकाळी कंटेनरने ट्रकला धडक दिल्याने अपघात झाला. कंटेनर चालकाचे वाहनावरील नियंत्रण सुटल्याने हा अपघात झाला. सुदैवाने या अपघातात कोणतीही जीवितहानी झाली नाही. अपघातानंतर कंटेनर चालक पळून गेला असून पोलीस त्याचा शोध घेत आहेत.

त्याच ठिकाणी सकाळी ८.३० वाजताच्या सुमारास दुसरा अपघात झाला. सुदैवाने त्या अपघातातही जीवितहानी झालेली नाही. महामार्गावर हा अपघात झाल्याने मोठी वाहतूक कोंडी होऊन वाहनांच्या रांगा लागल्या होत्या. बुधवारी देखील येथे कंटेनर व ट्रकचा अपघात झाला होता. ज्यामध्ये कंटेनर चालक किरकोळ जखमी झाला होता.