Pune : पुण्यातील शरद पवार गटातील नेत्याच्या मुलाने भरधाव कार चालवून टेम्पोला दिली धडक

पोलिसांनी दिलेल्या माहितीनुसार, राष्ट्रवादी काँग्रेसचे पुण्यातील माजी नगरसेवक बंडू गायकवाड यांचा मुलगा सौरभ गायकवाड मांजरी मुंढवा येथील झेड कॉर्नरपासून मंगळवारी पहाटेच्या सुमारास एमएच १२ टीएच ०५०५ क्रमांकाची हॅरीयर कार घेऊन जात होता.त्याच वेळी समोरून येणार्‍या कोंबडयाची वाहतूक करणार्‍या टेम्पोला जोरात धडक दिली.

तर या घटनेत कार चालक सौरभ गायकवाड,तसेच टेम्पो चालक आणि क्लिनर जखमी झाले आहे.त्या जखमींवर जवळील रूग्णालयात उपचार सुरू आहे. या अपघाताच्या घटनेच्या प्रकरणी सौरभ गायकवाड विरोधात गुन्हा दाखल करण्यात आला असून आरोपी कार चालकाने दारूचे सेवन केले होते का ? याबाबत देखील तपास करण्यात येत असल्याचे हडपसर पोलिसांनी सांगितले.