लाचखोर पोलिसांचा पर्दाफाश! हुंड्या प्रकरणातील केस कमकुवत करण्यासाठी लाच घेणाऱ्या कर्नाटक पोलिसांना राजस्थानात अटक

जयपूर/बेंगळुरू: हुंड्या प्रकरणाच्या तपासासाठी गेलेले कर्नाटक पोलीसच अडकले लाचखोरीच्या जाळ्यात; ४० हजार रुपये स्वीकारताना रंगेहाथ अटक

 

 

कर्नाटक पोलिसांच्या एका पथकाला हुंड्या प्रकरणाचा तपास करण्यासाठी राजस्थानमधील जयपूर येथे पाठवण्यात आले होते, मात्र हेच पोलीस आता लाचखोरीच्या आरोपाखाली गजाआड झाले आहेत. राजस्थानच्या 'अँटी-करप्शन ब्युरो'ने (ACB) बेंगळुरूच्या 'HAL' पोलीस ठाण्यातील एका महिला उपनिरीक्षकासह (PSI) तीन पोलिसांना लाच घेताना रंगेहाथ पकडले आहे.

 

नेमकं प्रकरण काय?
बेंगळुरूमध्ये दाखल असलेल्या एका हुंडाबळी (Dowry Harassment) प्रकरणाचा तपास करण्यासाठी बेंगळुरू पोलिसांचे एक पथक जयपूरला गेले होते. या पथकात उपनिरीक्षक अनिता के. आणि हेड कॉन्स्टेबल उल्लप्पा तेगुर व यतीश यांचा समावेश होता. या पथकाने आरोपीच्या कुटुंबीयांना केस कमकुवत करून त्यांना यातून बाहेर काढण्याचे आश्वासन दिले आणि त्यासाठी तब्बल २ लाख रुपयांच्या लाचेची मागणी केली.

पैसे देण्यास भाग पाडल्यामुळे त्रस्त झालेल्या संबंधित व्यक्तीने राजस्थानच्या लाचलुचपत प्रतिबंधक विभागाकडे (ACB) तक्रार केली. तक्रारीची दखल घेत ACB ने जयपूरमधील एका हॉटेलमध्ये सापळा रचला. ठरल्याप्रमाणे, हेड कॉन्स्टेबल उल्लप्पा याला ४० हजार रुपयांचा हप्ता स्वीकारताना ACB च्या पथकाने रंगेहाथ पकडले. प्राथमिक चौकशीनंतर या प्रकरणातील सहभाग सिद्ध झाल्यामुळे उपनिरीक्षक अनिता के. आणि हेड कॉन्स्टेबल यतीश यांनाही अटक करण्यात आली आहे. या घटनेमुळे कर्नाटक पोलीस दलाची मोठी नाचक्की झाली असून, तिन्ही आरोपींवर भ्रष्टाचार प्रतिबंधक कायद्यान्वये गुन्हा दाखल करण्यात आला आहे.

 

सविस्तर वाचा, लिंक कमेंट मध्ये  https://punenews24.in/