Pune Crime : बांधकाम साईटवर सुपरवायझरचा चाकूने भोसकून खून; पाचव्या मजल्यावरुन दिले फेकून

Pune Crime : इमारतीच्या बांधकाम साइटवर अज्ञात व्यक्तींनी सुपरवायझरचा चाकूने भोसकून खून केला. त्यानंतर त्याचा मृतदेह पाचव्या मजल्यावरून डक्टमध्ये फेकून दिल्याची घटना बुधवारी कोंढवा एनआयबीएम अॅनेक्स परिसरात घडली.

पंकज कुमार मोती कश्यप (वय ३५, सध्या रा. कृष्णानगर, महम्मदवाडी) असे खून झालेल्या तरुणाचे नाव आहे. वरिष्ठ पोलिस निरीक्षक संतोष सोनवणे यांनी दिलेल्या माहितीनुसार, पंकज कुमार मूळचा उत्तर प्रदेशातील आहे. तो सध्या एनआयबीएम अॅनेक्स येथील एका इमारतीच्या बांधकामाच्या ठिकाणी सुपरवायझर म्हणून काम करीत होता.

Pune Crime : पुण्यात गोळीबाराच्या घटना सुरुच; माचिस मागण्यावरून एकावर गोळीबार, नागरिकांमध्ये दहशतीचं वातावरण

मंगळवारी रात्री मित्रांसमवेत पाचव्या मजल्यावर दारू पिताना त्यांच्यात वाद झाला. त्यावेळी आरोपींनी त्याला चाकूने भोसकून जखमी केले. त्यानंतर त्याला पाचव्या मजल्यावरून खाली फेकून दिल्याचा संशय आहे.

पंकज कुमार तिसऱ्या मजल्यावर डक्टमध्ये अडकला. त्यात गंभीर जखमी झाल्याने त्याचा मृत्यू झाला. दुसऱ्या दिवशी बुधवारी दुपारी तेथील कामगारांना पंकज कुमारचा मृतदेह आढळून आला. ही बाब पोलिसांना कळविण्यात आली. त्यानंतर पोलिसांनी मृतदेह बाहेर काढला. मृतदेह शवविच्छेदनासाठी ससून रुग्णालयात पाठविला आहे. कोंढवा पोलिस आरोपींचा शोध घेत आहेत.