Nagar Parishad Update : ईव्हीएममध्ये छेडछाडची शक्यता असल्याचा आरोप; निकालांवरुन ‘ईव्हीएम हटाव’ सेनेचा संताप

Nagar Parishad Update : स्थानिक स्वराज्य संस्थांच्या निवडणुकांमध्ये मतमोजणी उशिरा करण्याच्या निर्णयावर ईव्हीएम हटाव सेनाने तीव्र नाराजी व्यक्त केली आहे. २ डिसेंबरला झालेल्या काही नगरपरिषदेच्या निवडणुकांचा निकाल ३ डिसेंबरला लागणार होता. मात्र नागपूर खंडपीठाच्या निर्देशानुसार आता सर्व परिषदेची मतमोजणी २१ डिसेंबरला होणार आहे.

यापूर्वी निवडणूक आयोगाने काही नगरपरिषदेच्या निवडणुका स्थगित करत नव्याने २० डिसेंबरला मतदान घेण्याचा निर्णय घेतला होता. अशा स्थितीत मतदानानंतर तब्बल १८ ते २० दिवस ईव्हीएम मशिन्स ठेवून ठेवावी लागणार असल्याने त्याची सुरक्षा आणि पारदर्शकतेवर प्रश्नचिन्ह निर्माण झाल्याचे ईव्हीएम हटाव सेनेचे पदाधिकारी अमित उपाध्याय यांनी म्हटले आहे.

Nashik MHADA : प्राईम लोकेशनमध्ये ४०२ घरे लॉटरीत; अवघ्या १४ लाखांत घर घेण्याची सुवर्णसंधी पूर्ण तपशील जाणून

मतदान होऊन एवढ्या दिवस मशीन न सील करता किंवा जनतेच्या देखरेखीशिवाय गोदामात ठेवणे अत्यंत धोकादायक आहे. ईव्हीएममध्ये छेडछाड करण्याची दाट शक्यता निर्माण होते,असा गंभीर आरोप उपाध्याय यांनी केला.

निवडणुकीसाठी वापरल्या जाणाऱ्या ईव्हीएमची वाहतूक, साठवण आणि सुरक्षा याबाबत नियम असले, तरी प्रत्यक्षात या मशिन्सवर नागरी पाहणी नसते. त्यामुळे दीर्घकाळासाठी ठेवण्यात येणाऱ्या ईव्हीएमवर शंका निर्माण होणे साहजिक असल्याचे उपाध्याय यांनी सांगितले. दरम्यान २१ डिसेंबरला या निवडणुकांचा निकाल काय लागणार आणि नगराध्यक्ष पदावर कोण बाजी मारणार हे पाहणं महत्त्वाचं ठरेल.