मुंबई: महापालिकेच्या MyBMC वेबसाइटवर भाषांतराचा गोंधळ; मराठीच्या गुणवत्तेवर प्रश्नचिन्ह

मुंबई: महानगरपालिकेच्या MyBMC वेबसाइटवरील मराठी भाषांतरातील गंभीर त्रुटींमुळे नवा वाद निर्माण झाला आहे. वेबसाइटवरील अनेक मजकुरात Google Translate चा वापर केल्याचा संशय व्यक्त होत असून, शब्दशः भाषांतरामुळे अर्थाचा अनर्थ झाल्याची टीका होत आहे. यामुळे मराठी भाषेच्या गुणवत्तेबाबत आणि अधिकृत संकेतस्थळावरील माहितीच्या विश्वासार्हतेबाबत प्रश्न उपस्थित झाले आहेत.

वेबसाइटवरील विविध विभागांमध्ये चुकीचे शब्द, व्याकरणातील त्रुटी आणि संदर्भाला न साजेशे भाषांतर आढळल्याने नागरिकांसह मराठी भाषा अभ्यासकांनी नाराजी व्यक्त केली आहे. सरकारी आणि महापालिकेच्या अधिकृत संकेतस्थळांवर दर्जेदार, अचूक आणि शुद्ध मराठीचा वापर होणे आवश्यक असल्याची मागणीही जोर धरत आहे.

दरम्यान, या प्रकरणानंतर संबंधित त्रुटी दुरुस्त करून संकेतस्थळावरील मराठी मजकुराची गुणवत्ता सुधारावी, अशी मागणी होत आहे. अधिकृत माहितीचे चुकीचे भाषांतर नागरिकांची दिशाभूल करू शकते, त्यामुळे तज्ज्ञांकडून भाषांतराची पडताळणी करण्याची गरज व्यक्त केली जात आहे.