देशाच्या राजकारणात मोठा भूकंप! टीएमसी काँग्रेसमध्ये विलीन होणार? ममता बॅनर्जी तयार; पण अभिषेक बॅनर्जींनी राहुल गांधींसमोर ठेवली 'ही' मोठी अट!

नवी दिल्ली : देशाच्या राजकारणात सध्या एका अत्यंत मोठ्या घडामोडीची चर्चा रंगली आहे. तृणमूल काँग्रेस (TMC) पक्ष थेट काँग्रेसमध्ये विलीन (Merger) होणार असल्याच्या चर्चांनी वेग घेतला आहे. मिळालेल्या माहितीनुसार, पश्चिम बंगालच्या मुख्यमंत्री ममता बॅनर्जी (Mamata Banerjee) या आपला पक्ष काँग्रेसमध्ये विलीन करण्याच्या सोनिया गांधी यांच्या प्रस्तावावर सकारात्मक असून त्या विलीनीकरणासाठी तयार झाल्याचे दिसते आहे. मात्र, या बदल्यात त्यांनी अभिषेक बॅनर्जी (Abhishek Banerjee) यांच्यामार्फत राहुल गांधी यांच्यासमोर एक प्रमुख अट ठेवली आहे.

सूत्रांनी दिलेल्या माहितीनुसार, नवी दिल्लीत नुकतीच ममता बॅनर्जी आणि सोनिया गांधी यांची भेट झाली. पश्चिम बंगालमध्ये सध्या तृणमूल काँग्रेस अंतर्गत बंडाळीची चर्चा असून सुमारे २० खासदार बंडखोरीच्या तयारीत असल्याचे वृत्त आहे. तसेच भाजपकडून टीएमसीवर सातत्याने राजकीय हल्ले केले जात आहेत. या पार्श्वभूमीवर, भाजपकडून होणारा संभाव्य छळ रोखण्यासाठी सोनिया गांधी यांनी ममता बॅनर्जींना सल्ला दिला की, त्यांनी आपला पक्ष काँग्रेसमध्ये विलीन करावा, अन्यथा भाजप आम आदमी पार्टीप्रमाणे (AAP) त्यांचाही छळ करेल.

ममता बॅनर्जी यांनी हा प्रस्ताव तत्त्वतः मान्य केला असला, तरी त्यांचे पुतणे आणि टीएमसी नेते अभिषेक बॅनर्जी यांनी राहुल गांधी यांच्यासोबत झालेल्या विशेष बैठकीत विलीनीकरणाच्या बदल्यात काही महत्त्वाच्या अटी समोर ठेवल्या आहेत. या राजकीय हालचालींमुळे देशातील आणि विशेषतः पश्चिम बंगालमधील राजकारणाला एक नवीन कलाटणी मिळण्याची शक्यता वर्तवली जात आहे.