वैद्यकीय क्षेत्राला काळीमा! प्रणीत मोरेच्या शोमध्ये केईएमच्या विद्यार्थिनीची मृतदेहाबाबत अश्लील टिप्पणी; रुग्णालयाकडून चौकशीचे आदेश.

मुंबई: स्टँड-अप कॉमेडियन प्रणीत मोरे (Pranit More) याच्या शोमधील आक्षेपार्ह विधानांमुळे निर्माण झालेला वाद अधिकच चिघळला आहे. एका व्हायरल व्हिडिओमध्ये केईएम (KEM) रुग्णालयातील एमबीबीएसच्या शेवटच्या वर्षात शिकणाऱ्या सेजल पवार (Sejal Pawar) हिने मानवी मृतदेहांबाबत (Cadavers) अत्यंत असंवेदनशील आणि अश्लील टिप्पणी केली आहे. या घटनेनंतर वैद्यकीय क्षेत्रातून आणि सोशल मीडियावरून मोठा संताप व्यक्त केला जात आहे.

 

नेमके प्रकरण काय?

प्रणीत मोरेच्या कार्यक्रमात सेजल पवारने वैद्यकीय शिक्षणादरम्यानचे अनुभव सांगताना, मृतदेहांच्या प्रायव्हेट पार्ट्सबाबत (Private parts) थट्टा करणारी आणि आक्षेपार्ह विधाने केली. मृतदेहांना वैद्यकीय शिक्षणात 'पहिले शिक्षक' मानले जाते आणि त्यांना अत्यंत आदराची वागणूक दिली जाते. अशा स्थितीत, जाहीर व्यासपीठावर अशा प्रकारचे विधान करणे ही वैद्यकीय नैतिकतेचे (Medical Ethics) उल्लंघन असल्याचे मानले जात आहे.

केईएम प्रशासनाची कारवाई:

या व्हायरल व्हिडिओची गंभीर दखल घेत केईएम रुग्णालयाचे अधिष्ठाता (Dean) डॉ. हरिश पाठक यांनी या प्रकरणाच्या चौकशीसाठी दोन सदस्यीय समिती स्थापन केली आहे. या समितीत बायोकेमिस्ट्री विभागाच्या प्रमुख आणि वसतिगृहाच्या वॉर्डनचा समावेश आहे. समितीच्या अहवालानंतर संबंधित विद्यार्थिनीवर योग्य ती कारवाई केली जाईल, असे स्पष्ट करण्यात आले आहे. दरम्यान, या प्रकरणात महाराष्ट्र सायबर पोलिसांकडून प्रणीत मोरे, सेजल पवार आणि हिमांशू जांगडा यांच्यावर गुन्हा दाखल करण्यात आला असून त्यांना चौकशीसाठी समन्स बजावण्यात आले आहेत.

सेजल पवारची माफी:

वाढत्या विरोधामुळे सेजल पवारने सोशल मीडियावर एक व्हिडिओ जारी करून जाहीर माफी मागितली आहे. "माझा कोणाचाही अपमान करण्याचा हेतू नव्हता, परंतु माझ्या शब्दांमुळे लोकांच्या भावना दुखावल्या गेल्या आहेत हे मी मान्य करते. मी माझ्या वक्तव्याची पूर्ण जबाबदारी घेते," असे तिने आपल्या माफीनाम्यात म्हटले आहे. सध्या सेजलने आपले सोशल मीडिया अकाउंट प्रायव्हेट केले आहे.

 

सविस्तर वाचा, लिंक कमेंट मध्ये  https://punenews24.in/