गोरखपूर: माणुसकीला काळीमा! आईच्या तेराव्याच्या खर्चावरून मोठ्या भावाने लहान भावावर झाडल्या गोळ्या; तरुणाचा मृत्यू.

गोरखपूर: पिपराईच पोलीस ठाण्याच्या हद्दीतील 'जंगल धूषण बडकी रेतवाहिया' गावात घडली आहे.

नेमके काय घडले ? २३ वर्षीय शुभम शर्मा (सत्यप्रकाश) याच्या आईचे काही दिवसांपूर्वी निधन झाले होते. मंगळवारी त्यांच्या निधनानंतर 'ब्रह्मभोज' (तेरावा) आयोजित करण्यात आला होता. या कार्यक्रमाच्या खर्चावरून आणि नियोजनावरून घरातील सदस्यांमध्ये वाद सुरू झाला. हा वाद इतका विकोपाला गेला की,
मोठा भाऊ दुर्गविजय शर्मा याने रागाच्या भरात बंदूक काढून शुभमच्या छातीत गोळी झाडली.

दुर्दैवी अंत: गोळी लागल्यानंतर शुभमला तातडीने बीआरडी मेडिकल कॉलेजच्या नेहरू रुग्णालयात नेण्यात आले, परंतु डॉक्टरांनी त्याला मृत घोषित केले. ज्या आईच्या स्मृतीप्रीत्यर्थ ब्रह्मभोज आयोजित केला होता, त्याच दिवशी मुलाच्या मृत्यूची घटना घडल्याने परिसरात हळहळ व्यक्त होत आहे.

 

कुटुंबाची स्थिती: शुभम शर्मा हा चार भावांमध्ये सर्वात लहान होता. त्याची मे महिन्यातच सगाई झाली होती आणि फेब्रुवारी २०२७ मध्ये त्याचे लग्न होणार होते. आरोपी दुर्गविजय हा गावातून वेगळा राहत होता आणि घटनेनंतर तो फरार झाला आहे. पोलिसांनी या प्रकरणी गुन्हा दाखल केला असून पुढील तपास सुरू आहे.