Devendra Fadnavis :'राज्यात भाजपला जनतेने नाकारलं नाही, तर...'; देवेंद्र फडणवीसांनी सांगितली पराभवाची कारणे

Devendra Fadnavis : लोकसभा निवडणुक २०२४ च्या निकालात राज्यात भाजपला चांगलाच दणका बसला आहे. राज्यात भाजपला केवळ नऊ जागा मिळाल्या आहेत. आता उपमुख्यमंत्री देवेंद्र फडणवीस यांनी थेट पराभवाची कारणे सांगितल्याचं समोर आलं आहे. यावेळी बोलताना फडणवीस म्हणाले की, राज्यात भाजपने जनतेला नाकारलेलं नाही, तर समसमान मतं पडली आहेत.

राज्यात अपेक्षित यश मिळालेले नाही. तर संविधान बदलनार या नरेटीव्हचा फटका बसल्याचं त्यांनी सांगितलं आहे. तर कांदा प्रश्नाचा देखील परिणाम झाल्याचं त्यांनी म्हटलं आहे. शेतकऱ्यांच्या मुद्द्यांमुळे भाजपला फटका सहन करावा लागला आहे. काही ठिकाणी कांद्याचा, तर काही ठिकाणी सोयाबीन आणि कापूसचा देखील प्रश्न होता. संविधान बदलणार, ही सरकारची भूमिका स्पष्ट करण्यात कमी पडल्याचं फडणवीसांनी म्हटलं आहे.