रशिया: भारताचे पंतप्रधान नरेंद्र मोदींची एक आयडिया, अन् संपू शकतं युक्रेन युद्ध; व्लादिमीर पुतिन यांचं मोठं विधान

रशिया: आणि युक्रेन यांच्यातील युद्धाला सुमारे साडेचार वर्षे लोटत आली आहेत, तरीही दोन्ही देशांमधील हा भीषण संघर्ष काही संपण्याचे नाव घेत नाही आहे. दोन्ही बाजूंनी अधूनमधून एकमेकांवर विध्वंसक हल्ले आणि प्रतिहल्ले सुरूच आहेत, ज्यामुळे जागतिक स्तरावर चिंतेचे वातावरण पाहायला मिळत आहे. या दरम्यान, युक्रेन युद्ध संपवण्याबाबत भारताचे पंतप्रधान नरेंद्र मोदी यांच्या भूमिकेबाबत आणि प्रयत्नांबाबत रशियाचे राष्ट्रपती व्लादिमीर पुतिन यांनी एक अत्यंत मोठे आणि महत्त्वाचे विधान केले आहे.

रशिया आणि युक्रेन यांच्यातील हा वाद संपवण्यासाठी पंतप्रधान नरेंद्र मोदी यांच्याकडून सातत्याने सुरू असलेल्या प्रयत्नांबाबत बोलताना रशियाचे राष्ट्रपती व्लादिमीर पुतिन म्हणाले की, भारताचे पंतप्रधान नरेंद्र मोदी हे जगातील अशा मोजक्या जागतिक नेत्यांपैकी एक आहेत, ज्यांचे रशियासोबत अत्यंत घनिष्ठ, चांगले आणि मैत्रिपूर्ण संबंध असूनही त्यांनी रशिया आणि युक्रेनमध्ये सुरू असलेला संघर्ष थांबवण्याचा मुद्दा सातत्याने आणि अत्यंत गांभीर्याने उपस्थित केला आहे.

पुतिन यांनी पुढे स्पष्ट केले की, हे विध्वंसक युद्ध थांबवण्यासाठी आणि शांतता प्रस्थापित करण्यासाठी पंतप्रधान नरेंद्र मोदी अत्यंत प्रामाणिकपणे इच्छूक आहेत. पंतप्रधान मोदींकडे अशा काही नाविन्यपूर्ण कल्पना (आयकिया) आणि विचार आहेत, ज्यांच्या आधारे रशिया आणि युक्रेन या दोन्ही पक्षांना मान्य होईल, असा एक योग्य आणि शाश्वत तोडगा शोधून काढता येऊ शकतो. नरेंद्र मोदी या संपूर्ण मुद्द्यावर जरी तटस्थ भूमिका बाळगून असले, तरी हा संघर्ष लवकरात लवकर संपवण्यामध्ये आणि जगात शांतता प्रस्थापित करण्यामध्ये त्यांना मनापासून स्वारस्य आहे, असेही पुतिन यांनी यावेळी नमूद केले.

दरम्यान, पंतप्रधान नरेंद्र मोदी यांनी रशिया आणि युक्रेन यांच्यातील हा संघर्ष संपवण्यासाठी ज्या काही महत्त्वपूर्ण कल्पना आणि राजनैतिक मार्ग मांडले आहेत, त्याबद्दल रशियन राष्ट्रपती व्लादिमीर पुतिन यांनी मोदींचे जाहीरपणे आभार मानले आहेत. तसेच, हा संघर्ष कोणत्याही युद्धाशिवाय केवळ चर्चा, संवाद आणि शांततेच्या मार्गाने लवकरात लवकर सोडवला जावा, यासाठी भारताचे पंतप्रधान मोदींकडून जे सातत्यपूर्ण प्रयत्न सुरू आहेत, त्याचेही पुतिन यांनी मुक्तकंठानं कौतुक केले आहे.