अमरावती: इन्स्टावरील 'लोकेशन'च्या नादात घात झाला; बहीण-भावासह चौघांचा तलावात बुडून करुण अंत

अमरावती: सोशल मीडियावर आकर्षक वाटणारे पर्यटन स्थळ शोधणे अमरावतीतील एका तरुण गटासाठी काळ ठरले आहे. रविवारी दुपारी मार्डी रोडवरील गोडे कॉलेजसमोरील 'घातखेडा तलावात' फिरायला गेलेल्या चार जणांचा बुडून मृत्यू झाला.
डबा पार्टीसाठी निवडलेले हे निर्जन ठिकाण अखेर त्यांच्या मृत्यूचे ठिकाण ठरले. काय घडली घटना?खोलापुरी गेट परिसरातील १० मुला-मुलींचा गट रविवारी दुपारी पिकनिकसाठी घराबाहेर पडला होता. यातील पायल पंडित हिनेच इन्स्टाग्रामवर सर्च करून हे १५ किलोमीटर लांब असलेले ठिकाण निश्चित केले होते.

दुपारी १:३० च्या सुमारास सर्वांनी मिळून जेवण केले आणि त्यानंतर फोटो तसेच सेल्फी काढण्यास सुरुवात केली. दुपारी २ वाजेच्या सुमारास ९ जण तलावात उतरले. याच वेळी १२ वर्षांचा आदित्य जोशी गाळात अडकून बुडू लागला.
त्याला वाचवण्यासाठी गेलेली त्याची बहीण सोनाली आणि नातेवाईक पायल व यश हेदेखील पाण्याचा अंदाज न आल्याने खोल गाळात अडकले आणि सर्वांचा मृत्यू झाला.
मृतांची नावे: सोनाली नरेंद्र जोशी (१६ वर्षे) मानव उर्फ आदित्य नरेंद्र जोशी (१२ वर्षे)पायल बबलू पंडित (२१ वर्षे/काही वृत्तानुसार १४)यश गजानन काकणे (१३ वर्षे)प्रशासनाची कारवाई:घटनेची माहिती मिळताच फ्रेजरपुरा पोलिसांनी घटनास्थळी धाव घेतली.

स्थानिक रहिवासी कार्तिक मकेश्वर याने एका मुलीला (आचल) काठीच्या आधारे ओढून जीव वाचवला. जिल्हा आपत्ती निवारण दलाच्या मदतीने चौघांचेही मृतदेह बाहेर काढण्यात आले. या घटनेमुळे संपूर्ण खोलापुरी गेट परिसरात आणि जोशी कुटुंबावर दुःखाचा डोंगर कोसळला आहे.