Mumbai : ‘न्यू इयर’ला मिठाईच्या बहाण्याने घरी बोलावलं; प्रेयसीकडून प्रियकरावर गंभीर हल्ला, मुंबईत खळबळ

Pune : मुंबईतील सांताक्रुझ पूर्व येथील कलिना परिसरात काल नवीन वर्षाच्या रात्री एक अत्यंत धक्कादायक घटना घडली आहे. लग्नाला नकार दिल्याच्या रागातून एका महिलेनं चक्क आपल्या प्रियकराचा प्रायव्हेट पार्ट कापल्याची घटना समोर आली असून, या हल्ल्यात 44 वर्षीय पुरुष गंभीर जखमी झाला आहे. याप्रकरणी वाकोला पोलिसांनी आरोपी महिलेविरोधात गुन्हा दाखल केला आहे.

जखमी व्यक्तीचं नाव जोगिंदर लखन महतो (वय 44) असून ते जांभळीपाडा परिसरात राहत असून खासगी वाहनचालक म्हणून काम करतात. गेल्या 18 वर्षांपासून ते कुटुंबासह या भागात वास्तव्यास आहेत. पोलिसांना दिलेल्या जबाबानुसार, जोगिंदर यांचे त्यांच्या बहिणीच्या नणंदेसोबत म्हणजेच कंचनदेवी राकेश महतो (वय 25) हिच्यासोबत गेल्या सहा ते सात वर्षांपासून प्रेमसंबंध होते.

BMC Election : मुंबईतील धक्कादायक प्रकार, भाजप इच्छुक उमेदवाराने जोडला डुप्लीकेट AB फॉर्म

कुटुंबात वारंवार वाद
कंचन ही जोगिंदर यांच्यावर पत्नीला सोडून तिच्यासोबत राहण्याचा व लग्न करण्याचा दबाव टाकत होती. या कारणामुळे जोगिंदर यांच्या कुटुंबात वारंवार वाद होत होते. परिस्थिती हाताबाहेर जात असल्याने नोव्हेंबर 2025 मध्ये जोगिंदर मुंबई सोडून बिहारला गेले होते. मात्र, त्या काळातही कंचन सतत फोन करून मुंबईत परत येऊन लग्न करण्याची धमकी देत असल्याचा आरोप जोगिंदर यांनी केला आहे. 19 डिसेंबर 2025 रोजी जोगिंदर पुन्हा मुंबईत परतले. मात्र, त्यांनी कंचनपासून दूर राहण्याचा निर्णय घेतला होता.

31 डिसेंबर 2025 रोजी रात्री सुमारे 1.30 वाजता कंचनने नववर्षानिमित्त मिठाई देण्याच्या बहाण्याने जोगिंदरला आपल्या घरी बोलावले. त्यावेळी घरात कंचन आणि तिची दोन लहान मुले उपस्थित होती. मुले झोपल्यानंतर कंचनने स्वयंपाकघरातील भाजी कापण्याच्या चाकूने जोगिंदर यांच्यावर हल्ला करून त्यांचा प्रायव्हेट पार्ट कापला.गंभीर जखमी अवस्थेत जोगिंदर कसेबसे आपल्या घरी पोहोचले आणि संपूर्ण प्रकार कुटुंबीय व शेजाऱ्यांना सांगितला. त्यानंतर त्यांना तातडीने आधी देसाई रुग्णालयात, त्यानंतर पुढील उपचारांसाठी सायन रुग्णालयात दाखल करण्यात आले. दरम्यान, घटनेची माहिती मिळताच वाकोला पोलिसांनी घटनास्थळी भेट देत पंचनामा केला. जोगिंदर यांच्या तक्रारीवरून आरोपी कंचनदेवी महतो हिच्याविरोधात गंभीर दुखापत व धमकी दिल्याप्रकरणी गुन्हा दाखल करण्यात आला असून पोलीस पुढील तपास करत आहेत.