Yavatmal News : स्लॅब कोसळल्याने सात मजूर जखमी, दाेघांची प्रकृती चिंताजनक

Yavatmal News : यवतमाळ जिल्ह्यात स्लॅब कोसळून सात मजूर गंभीर जखमी झाल्याची घटना घडली आहे. ऐन दिवाळी सणात दुर्देवी घटना घडल्याने मजूरांच्या कुटुंबियांना माेठा हादरा बसला आहे. सर्व जखमींनी उपचारार्थ दाखल करण्यात आले आहे. 

ही घटना यवतमाळच्या पुसद तालुक्यातील कारला येथे घडली. या परिसरात सुरू असलेल्या बांधकामाचा स्लॅब अचानक कोसळला. त्यामुळे माेठा गाेंधळ निर्माण झाला. घटनास्थळी असलेल्या मजूरांच्या अंगावर स्लॅब काेसळला.

Vijay Waddetiwar News : 'मनोज जरांगे मराठा मुलांच्या भल्यासाठी नव्हेतर राजकीय फायद्यासाठी आग्रही..' विजय वडेट्टीवार यांचे गंभीर आरोप

यामध्ये सात मजूर जखमी झाले आहेत. त्यापैकी दोन मजूर गंभीर असल्याचे समजते. या बांधकामाचा स्लॅब कमकुवत सेंट्रींगमुळे कोसळल्याची प्राथमिक माहिती उपलब्ध झाली आहे. ही घटना वसंतनगर पोलीस ठाण्याच्या हद्दीत घडली. पाेलीसांनी दिलेल्या माहितीनूसार सर्व जखमींना उपचारासाठी रुग्णालयात दाखल करण्यात आले आहे.