ZP Panchayat Samiti Election Results 2026 LIVE : जिल्हा परिषद आणि पंचायत समितीच्या निवडणुकीचा महानिकाल, 10 वाजल्यापासून..

09 Feb 2026 07:38 AM (IST)

अजित पवार यांच्या निधनानंतर कार्यकर्ते अजून देखील दुःखात

बारामती जिल्हा परिषद आणि पंचायत समिती निवडणुकीत राष्ट्रवादी काँग्रेस निर्विवाद वर्चस्व राखण्याची शक्यता आहे. दिवंगत उपमुख्यमंत्री अजित पवार यांच्या निधनानंतर कार्यकर्ते अजून देखील दुःखाच्या सावटाखाली आहेत. सकाळी दहा वाजता मतमोजणीला होणार सुरुवात…

09 Feb 2026 07:21 AM (IST)

जिल्हा परिषद आणि पंचायत समितीच्या निकालात कोण मारणार बाजी?

जिल्हा परिषद आणि पंचायत समितीच्या निकालाची सर्वच राजकीय पक्षांनी जोरदार तयारी केली. आता या निकालात नक्की कोण बाजी मारणार याकडे सर्वांच्या नजरा आहेत.

09 Feb 2026 07:11 AM (IST)

जिल्हा परिषद आणि पंचायत समित्यांसाठी आज मतमोजणी

पुणे जिल्हा परिषद 73 गटांसाठी आणि पंचायत समिती 146 गणांची मतमोजणी आज होणार आहे. मतमोजणी ही संबंधित तालुक्याच्या ठिकाणी होणार आहे. सकाळी 10 वाजता मतमोजणीस सुरुवात होणार आहे. साधारणपणे एका गटाच्या मोजणीसाठी दोन तासांचा अवधी लागणार आहे. त्यामुळे 12 वाजता पहिला निकाल हाती येण्याची शक्यता आहे. तर संपूर्ण मतमोजणी प्रक्रिया सायंकाळी चारपर्यंत पूर्ण करण्याचे उद्दिष्ट प्रशासनाने ठेवले आहे. उपमुख्यमंत्री अजित पवार यांच्या निधनानंतर ही निवडणूक होत आहे. त्यामुळे जिल्ह्याच्या निकालाकडे संपूर्ण राज्याचे लक्ष लागले आहे

09 Feb 2026 07:10 AM (IST)

धाराशिव जिल्ह्यात राज्यातील बड्या राजकीय नेत्यांची प्रतिष्ठपणाला..

धाराशिव जिल्ह्यात आज 55 जिल्हा परिषद सदस्य आणि 110 पंचायत समितीच्या जागेसाठी मतमोजणी होणार. माजी मंत्री तानाजी सावंत, भाजपाचे आमदार राणा जगजितसिंह पाटील, ठाकरे शिवसेनेचे खासदार ओमराजे निंबाळकर, भाजपाचे नेते बसवराज पाटील या राजकीय नेत्यांची प्रतिष्ठा पणाला. सकाळी दहा वाजता मतमोजणीला सुरुवात होणार जिल्हा परिषदेच्या 234 उमेदवारांचे तर पंचायत समितीच्या 293 उमेदवाराचे भवितव्य आज ठरणार

09 Feb 2026 07:09 AM (IST)

बोगस मतदान करणाऱ्या सहा जणांवर गुन्हा दाखल

जिल्हा परिषद निवडणुकीत बोगस मतदान करणाऱ्या सहा जणांवर पोलिसांनी गुन्हा दाखल केलाय. त्यांच्याकडून बनावट आधार कार्ड जप्त केले आहे. नगर रस्त्यावरील केसनंद भागात असलेल्या एका मतदान केंद्रावर ही घटना घडलीय..

09 Feb 2026 07:08 AM (IST)

बारामतीमधील निकालाकडे राज्याच्या नजरा..

जिल्हा परिषद आणि पंचायत समितीच्या निवडणुकीच्या मतदानाची मतमोजणी बारामती मधील जिल्हा क्रीडा संकुल येथे होणार. सकाळी दहा वाजता होणार मतमोजणीला सुरुवात. बारामतीमधील सहा जिल्हा परिषद गट आणि बारा पंचायत समिती गणाच्या उमेदवारांच्या मतदानाची होणार मतमोजणी

09 Feb 2026 07:07 AM (IST)

10 वाजता सुरू होणार जिल्हा परिषद आणि पंचायत समितीच्या निवडणुकीची मतमोजणी

जिल्हा परिषद आणि पंचायत समितीच्या निकालाला काही वेळात सुरूवात होईल. सकाळी 10 वाजल्यापासून निकाल आपल्या हाती येतील. या निकालाकडे राज्याच्या नजरा आहेत. 7 फेब्रुवारी रोजी मतदान झाले होते.