शाहूकालीन गर्डर गेले कुठे? कोल्हापूरच्या ऐतिहासिक केशवराव भोसले नाट्यगृहाच्या कामावरून नवा वाद!

कोल्हापूर: ऐतिहासिक केशवराव भोसले नाट्यगृहाच्या पुनर्निर्माणाचे काम अंतिम टप्प्यात असतानाच, या कामावरून एक मोठा वाद निर्माण झाला आहे. विशेषतः शाहूकालीन लोखंडी गर्डल्स (Girders) बेपत्ता असल्याच्या आरोपावरून समिती सदस्य आणि प्रशासनामध्ये खडाजंगी झाली आहे.

 

वाद आणि आक्षेप: १. गर्डल्सचा प्रश्न: नाट्यगृहाच्या पुनर्निर्माणादरम्यान शाहूकालीन लोखंडी गर्डल्स काढून त्या जागी नवीन साहित्य बसवण्यात आले आहे. हे मूळचे ऐतिहासिक गर्डल्स नेमके कुठे गेले, असा सवाल इंद्रजित सावंत आणि अशोक पोवार यांनी उपस्थित केला.

२. हेरिटेज समितीच्या सूचनांकडे दुर्लक्ष: हेरिटेज कमिटीच्या अध्यक्षा अमरजा निंबाळकर यांनी तक्रार केली की, वारंवार सूचना देऊनही कन्सल्टंट आणि मनपा अधिकारी त्याकडे दुर्लक्ष करत आहेत.

३. कामाच्या वेळेवर प्रश्नचिन्ह: महापालिका आयुक्त राजेंद्र भारुड यांनी या तक्रारींच्या वेळेवर आक्षेप घेतला. काम ९० टक्के पूर्ण झाले असताना आणि लोकार्पणाची तारीख जवळ आली असतानाच या तक्रारी का समोर येत आहेत, असा सवाल त्यांनी उपस्थित केला.

४. तांत्रिक स्पष्टीकरण: कन्सल्टंट चेतन रायकर यांनी स्पष्ट केले की, नाट्यगृह जळाल्यानंतर लोखंडी गर्डल्स आगीच्या अतिउष्णतेमुळे (३००-४०० अंश सेल्सिअस) कमकुवत झाले होते. त्यांची क्षमता तपासणी आणि रासायनिक पृथ:करण केल्यानंतरच ते बदलण्याचा निर्णय घेण्यात आला होता.

 

पुढील पाऊल: खासदार शाहू छत्रपती यांनी या वादावर मध्यस्थी करत, सर्व कायदेशीर आणि तांत्रिक बाबी तपासून पुढील गुरुवारी पुन्हा बैठक घेण्याचे निर्देश दिले आहेत. महापौर रुपाराणी निकम यांनी आश्वासन दिले की, जर हे गर्डल्स स्क्रॅप मार्केटमध्ये गेले असतील, तर ते शोधून परत आणले जातील. मूळ बांधकामातील गुणवत्तेशी तडजोड केली जाणार नाही, अशी हमीही शाहू छत्रपती यांनी दिली आहे.