वेटर ते थेट राष्ट्राध्यक्ष! संयुक्त अरब अमिरातीच्या अध्यक्षांचा थक्क करणारा जीवनप्रवास!

अबुधाबी: संयुक्त अरब अमिरातीचे (UAE) राष्ट्राध्यक्ष शेख मोहम्मद बिन झायेद अल नाहयान आज जगातील सर्वात प्रभावशाली नेत्यांपैकी एक मानले जातात. मात्र, त्यांच्या या यशामागे एक अत्यंत खडतर आणि प्रेरणादायी संघर्ष दडलेला आहे. एका राजघराण्यात जन्म घेऊनही त्यांनी कधीकाळी एका हॉटेलमध्ये 'वेटर' म्हणून काम केले होते, हे ऐकून अनेकांना आश्चर्य वाटेल.

राजपुत्र असूनही सामान्य जीवन:
शेख मोहम्मद १४ वर्षांचे असताना त्यांचे वडील शेख झायेद यांनी त्यांना आपली राजेशाही ओळख लपवून शिक्षणासाठी मोरोक्कोला पाठवले होते. सामान्य माणसाचे जीवन कसे असते आणि संघर्षातून काय शिकायला मिळते, याचा अनुभव त्यांना यावा हा त्यामागचा मुख्य उद्देश होता. मोरोक्कोमध्ये असताना त्यांनी आपले नाव बदलून 'हसन' असे ठेवले होते. तिथे ते स्वतःचे जेवण स्वतः बनवत आणि कपडेही स्वतः धूत असत. याच काळात त्यांनी एका हॉटेलमध्ये वेटर म्हणूनही काम केले.

आधुनिक यूएईचे शिल्पकार:
२०२२ मध्ये राष्ट्राध्यक्ष झाल्यानंतर त्यांनी यूएईचे रूप पालटून टाकले. देश केवळ तेलावर अवलंबून राहू नये, यासाठी त्यांनी अर्थव्यवस्थेत मोठे बदल केले. महिलांना वारसाहक्क मिळवून देणे, कामगार कायद्यात सुधारणा करणे आणि तंत्रज्ञानाचा वापर वाढवणे यासाठी त्यांनी विशेष पुढाकार घेतला. 'एआय' (Artificial Intelligence) चा प्रशासनात वापर करणारा यूएई हा 'गोल्डन व्हिसा' यांसारख्या त्यांच्या निर्णयांमुळे आज यूएई हे जागतिक गुंतवणुकीचे प्रमुख केंद्र बनले आहे. "ज्या दिवशी तेलाचा शेवटचा बॅरल बाहेर येईल, त्या दिवशी आम्ही शोक नाही तर उत्सव साजरा करू," असे त्यांचे प्रसिद्ध विधान त्यांच्या दूरदृष्टीची साक्ष देते. एका वेटरपासून सुरू झालेला त्यांचा हा प्रवास आज संपूर्ण जगासाठी प्रेरणेचा स्रोत ठरत आहे.