T20 WC 2026 UAE vs AFG: अफगाणिस्तानने शेवटच्या षटकात मिळवला विजय, काय झालं ते वाचा

T20 WC 2026 UAE vs AFG: अफगाणिस्तानने शेवटच्या षटकात मिळवला विजय, काय झालं ते वाचाImage Credit source: Afghanistan Cricket X

टी20 वर्ल्डकप स्पर्धेत सुरुवातीचे दोन सामने गमावल्यानंतर अफगाणिस्तानचा तिसरा सामना युएईशी झाला. हा सामना अफगाणिस्तानसाठी करो या मरोचा होता. या सामन्यात पराभव होताच स्पर्धेतील आव्हान संपुष्टात येणार होतं. आताही अफगाणिस्तान सुपर 8 फेरीत पोहोचेल अशी स्थिती नाही. पण या विजयामुळे थोड्या फार आशा जिवंत आहेत. अफगाणिस्तानने या सामन्यात नाणेफेकीचा कौल जिंकला आणि प्रथम गोलंदाजी स्वीकारली. युएईच्या वाटेला प्रथम फलंदाजी आली आणि त्यांनी 20 षटकात 9 गडी गमवून 160 धावा केल्या. तसेच विजयासाठी 161 धावांचं आव्हान दिलं. हे आव्हान गाठताना अफगाणिस्तानला शेवटच्या षटकापर्यंत संघर्ष करावा लागला. शेवटच्या षटकात अफगाणिस्तानच्या हाती 5 विकेट होत्या. तसेच 4 धावांची आवश्यकता होती. पहिल्या दोन चेंडूतच हे आव्हान पूर्ण केलं. यासह या स्पर्धेतील विजयाची पहिली चव चाखली.

टी20 वर्ल्डकप 2026 स्पर्धेत विजयी धावांचा पाठलाग करताना अफगाणिस्तानची सुरूवात काही चांगली झाली नाही. संघाची एकही धाव नसताना रहमनुल्लाह गुरबाजच्या रुपाने पहिला धक्का बसला. तर त्याने 40 धावा असताना गुलबदीन नईब तंबूत परतला. 70 धावा असताना सेदिकुल्लाह अटलची विकेट पडली. तर 97 धावा असताना इब्राहीम झाद्रान 41 चेंडूत 53 धावांची खेळी करून बाद झाला. त्यामुळे थोडं दडपण वाढलं. पण दार्विश रसूली आणि अझमतुल्लाह ओमरजाईे 43 धावांची भागीदारी करून डाव सावरला. त्यानंतर मुहम्मद नबी आणि अझमतुल्लाह यांनी नाबाद 22 धावांची भागीदारी विजय मिळवून दिला.

टी20 वर्ल्डकप स्पर्धेत अफगाणिस्तानचे आव्हान जर तर वर अवलंबून आहे. अशा स्थितीत कर्णधार राशीद खानने आपलं म्हणणं मांडलं. कॅनडा न्यूझीलंड सामन्यावर सर्वकाही अवलंबून असल्याने त्याला त्याबाबत प्रश्न विचारला गेला. कॅनडाकडून मोठ्या उलटफेर होईल असं वाटते का? त्यावर राशीद खान म्हणाला की, ‘ पुढचा सामना तुम्हाला कधीच कळणार नाही. तो टी-२० सामना आहे, सुपर-8 मध्ये जाण्याची शक्यता कितीही असली तरी, आपल्याला क्रिकेटचा एक चांगला ब्रँड तयार करावा लागेल. आम्हाला देशाला आणि आमच्या लोकांना अभिमान आणि आनंदी बनवायचे आहे. ‘