Shivshahi Bus Fire : पुणे-नाशिक महामार्गावर शिवशाही बसला आग; अग्निशमन दलाचे जवान घटनास्थळी

Pune : देशासहित राज्यातही वाहनांना आग लागण्याच्या घटनेत वाढ होताना दिसत आहे. पुणे-नाशिक महामार्गावर पुन्हा एकदा याची प्रचिती आली आहे. या मार्गावर शिवशाही बसला आग लागल्याची घटना घडली आहे. नाशिकवरुन पुण्याला जाताना चाकणमध्ये घटना घडली आहे. यानंतर परिसरातील नागरिकांमध्ये एकच खळबळ उडाली. 

मिळालेल्या माहितीनुसार, पुण्यातील चाकणमध्ये शिवशाही बसला आग लागल्याची घटना घडली आहे . पुणे नाशिक महामार्गावर शिवशाही बसला ही आग लागली आहे. नाशिकवरुन पुण्याला जाताना चाकणमध्ये घटना घडली आहे. शिवशाही बसला आग लागल्यानंतर हवेत धुराचे लोट पसरले आहे. आग लागल्यानंतर चाकण औद्योगिक क्षेत्रातील मुख्य चौकात बघ्यांची एक गर्दी झाली आहे .

शिवशाही बसमधील प्रवासी सुखरूप

नाशिकवरुन पुण्याला जाताना चाकणमध्ये शिवशाही बसला आग लागली. शिवशाही बस टायरला आग लागून बसने पेट घेतला. आग लागल्यानंतर परिसरातील नागरिकांनी अग्निशमन दलाला माहिती दिली. त्यानंतर चाकण नगरपरिषदेच्या अग्निशमन दलाचे जवान घटनास्थळी दाखल झाले. त्यानंतर स्थानिक नागरिकांच्या मदतीने प्रवाशांना बाहेर काढण्यात यश आलं.