Pune School Bus Accident : पुण्यात स्कूल बसचा भीषण अपघात! अनेक विद्यार्थी जखमी ; सीसीटीव्ही फुटेज आलं समोर; चालकावर गुन्हा दाखल

Pune School Bus Accident : पुण्यात स्कूल बसच्या अपघाताचा व्हिडीओ समोर आला असून वाघोली येथील रायझिंग स्टार या शाळेची बस झाडावर आदळल्याने हा अपघात झाला. यामध्ये बस मधील काही विद्यार्थी जखमी झाले असून त्यांच्यावर खाजगी रुग्णालयात उपचार सुरू आहेत. याप्रकरणी लोणीकंद पोलीस ठाण्यात बसच्या चालकावर गुन्हा दाखल करण्यात आला आहे. पुढील तपास पोलीस करत आहेत.

Pune Bhidewada Demolished : पुण्यातील ऐतिहासिक भिडे वाडा मोठ्या पोलिस बंदोबस्तात जमीनदोस्त, उभारलं जाणार राष्ट्रीय स्मारक

मिळालेल्या माहितीनुसार, सोमवारी ४ डिसेंबर रोजी नेहमीप्रमाणे बस विद्यार्थ्यांना घेऊन जात असताना वाटेतच ही बस झाडावर जाऊन आदळली. अपघातानंतर मोठा आवाज झाला, त्यानंतर आजूबाजूचे लोक तातडीने मुलांच्या मदतीसाठी धावले. सुदैवाने या अपघातात कुणालाही गंभीर इजा झाली नाही.

बसची धडक इतकी जोरदार होती की समोरील भागाचा चक्काचूर झाला आहे. अपघाताचं कारण अद्याप समोर आलेलं नाही. मात्र बसवरील नियंत्रण सुटल्याने हा अपघात झाला असावा, असा अंदाज व्यक्त होत आहे.