Pune : नाईट शिफ्टदरम्यान वॉशरूममध्ये गेला, राऊंड मारताना सिक्युरिटी गार्डने पाहिलं धक्कादायक दृश्य; पुण्यात IT इंजिनिअरने टोकाचं पाऊल उचललं…

Pimpri-Chinchwad : पुण्यात आयटी हब म्हणून ओळखल्या जाणाऱ्या हिंजवडीत आयटी पार्कमध्ये आर्थिक विवंचनेतून एका तरुण ट्रेनिंग इंजिनिअरने आत्महत्या केल्याची धक्कादायक घटना उघडकीस आली आहे. सुजय विनोद ओसवाल (वय 24) असं मृत तरुणाचं नाव आहे. त्याने मोबाईल चार्जरच्या केबलच्या साह्याने गळफास घेऊन आत्महत्या केली. ही घटना काल मंगळवारी मध्यरात्री घडली. सुजय हा नाईट शिफ्टवर कार्यरत होता. कामादरम्यान तो वॉशरूममध्ये गेला, मात्र बराच वेळ परत न आल्याने संशय निर्माण झाला. त्याचदरम्यान सिक्युरिटी गार्डचा राऊंड सुरू असताना वॉशरूममध्ये सुजयने गळफास घेतल्याचं आढळून आलं.

कोणतीही सुसाईड नोट नाही
प्राथमिक तपासात सुजय आर्थिक विवंचनेत असल्याची माहिती पोलिसांनी दिली आहे. ऑनलाइन सट्टा आणि बेटिंगमुळे त्याच्यावर मोठ्या प्रमाणात कर्ज झालं होतं. याच मानसिक तणावातून त्यानं हे टोकाचं पाऊल उचलल्याचा पोलिसांचा अंदाज आहे. सुजय 2024 पासून टीसीएस कंपनीत ट्रेनिंग इंजिनिअर म्हणून कार्यरत होता. आत्महत्येपूर्वी त्याने कोणतीही सुसाईड नोट लिहिलेली नाही. मात्र, आर्थिक अडचणींमुळे आपण आत्महत्या करत असल्याचा मेसेज त्याने कुटुंबीयांना पाठवला होता, अशी माहिती हिंजवडी पोलिसांनी दिली आहे. या प्रकरणाचा पुढील तपास सुरू आहे.

Pune : नववर्षाच्या सुरुवातीलाच पुणेकरांना दिलासा; सहा पदरी उड्डाणपूल आणि 24 किमीचा उन्नत मार्ग—कुठून कुठे जोडणार नवे रस्ते?

माऊलीचा आक्रोश पाहून पुणे हळहळलं
जुन्या भांडणाच्या रागातून चार मित्रांनी एका 17 वर्षीय अल्पवयीन मुलाचे अपहरण करून खून केला. गुन्हे शाखा युनिट तीन आणि विश्रांतवाडी पोलिसांनी तांत्रिक विश्लेषणाच्या मदतीने खून करणाऱ्या मुलांची माहिती गोळा करून फरारी आरोपींना बेळगावमधून अटक केली. खून करणाऱ्या आरोपींमध्ये दोन अल्पवयीन मुलांचा समावेश आहे. आरोपींनी खुनाची कबुली दिली आहे. अमन सुरेंद्रसिंग गच्चड (वय 17, सध्या रा. टिंगरेनगर, विश्रांतवाडी) असे खून झालेल्या मुलाचे नाव आहे. या प्रकरणी आई अनिता गच्चड (वय 44) यांनी फिर्याद दिली. त्यावरून प्रथमेश आढळ (वय 19, उत्तमनगर) आणि नागेश घबले (वय 19, रा. शिवणे) यांना अटक केली असून, दोन अल्पवयीन मुलांना ताब्यात घेतले आहे.