छत्रपती संभाजीनगर: मित्रावर विश्वास ठेवला अन् महिलेचा घात झाला; रूममध्ये ५ दिवस सोबत राहिले, पण त्याने जाताना धोका दिला

छत्रपती संभाजीनगर: मार्केटिंगचे काम करणाऱ्या एका महिलेशी असलेल्या ओळखीचा फायदा घेत, तिच्या मित्राने चार ते पाच दिवस तिच्यासोबत घरात घालवले. जाताना, महिलेशी वाद घालून तिला मारहाण करून तिच्याजवळील एक लाख ११ हजाराचे दागिने हिसकावून नेले. ही घटना छत्रपती संभाजीनगरमधील एन ७, सिडको येथे घडली. महिलेचे दागिने हिसकाविणाऱ्या आरोपीचे नाव मोहित भिकुलाल भंडारी असे आहे.

पोलिसांनी दिलेल्या माहितीनुसार, पीडित महिला मार्केटिंगचे काम करते. आरोपी मोहित भंडारी याच्याशी तिची ओळख झाली होती. याच ओळखीचा गैरफायदा घेत तो तिच्या घरी राहण्यास आला होता. तब्बल चार ते पाच दिवस ते एकाच रूममध्ये सोबत राहिले. मात्र, जाताना त्यांच्यात काही गोष्टीवरून वाद झाला.
या वादातून आरोपीने महिलेला मारहाण केली आणि तिच्याकडील १ लाख ११ हजार रुपयांचे सोन्याचे दागिने बळच जबरदस्तीने हिसकावून पळ काढला. या प्रकरणी सिडको पोलिस ठाण्यात गुन्हा दाखल करण्यात आला असून पोलिस अधिक तपास करत आहेत.

 

असा मुद्देमाल नेला चोरून

सोन्याचा नेकलेस - १८ ग्रॅम किंमत अंदाजे तीस हजार रुपये, कानातले - ५.१ ग्रॅम किंमत अंदाजे दहा हजार रुपये, मोठे मंगळसूत्र - ६.५ ग्रॅम , दोन अंगठी - चार हजार रुपये, सोन्याची चैन त्यामध्ये एक पेंडल ६.५ ग्रॅम , चार ओम - दोन हजार रुपये, लहान मुलीचे कानातले सोन्याचे ४.५ ग्रॅम, चांदीचे पैजण चार जोडी-
दोन हजार रुपये. लहान मुलांचे हाताचे व पायाचे कडे, व कंबरचैन- पाच हजार रुपये, जोडवी ६ जोड- तीन हजार रुपये, पर्समध्ये पंचवीस हजार रुपये रोख रक्कम, एकूण - एक लाख ११ हजाराचा मुद्देमाल चोरून नेला.