Ajit Pawar Death : टेकऑफपूर्वी विमानातील अजित पवारांचा शेवटचा फोटो समोर; महाराष्ट्र हादरला

Pune : राज्याचे उपमुख्यमंत्री अजित पवार यांच्या निधनाने संपूर्ण महाराष्ट्राला मोठा धक्का बसला. अजित पवार यांचे विमान आज सकाळी बारामतीमध्ये कोसळले. या अपघातामध्ये अजित पवार यांच्यासह ५ जणांचा दुर्दैवी मृ्त्यू झाला. या अपघातापूर्वीचा विमानातील अजित पवार यांचा शेवटचा फोटो समोर आला आहे. अजित पवार यांच्या निधनानंतर राज्यात ३ दिवसांचा राजकीय दुखवटा जाहीर करण्यात आला आहे.

अजित पवार यांचा विमानामध्ये बसल्यानंतर काढण्यात आलेला शेवटचा फोटो समोर आला आहे. या फोटोमध्ये अजित पवारांनी गुलाबी रंगाचे जॅकेट घातलेले असून त्यांनी गॉगल लावला दिसत आहे. ते विमानातून खाली बघताना दिसत आहे. तर अजित पवार यांच्या शेजारी त्यांचे सुरक्षारक्षक विदीत जाधव बसल्याचे दिसत आहे.

Ajit Pawar Plane Crash : अपघातग्रस्त विमानाच्या मालकाची धक्कादायक प्रतिक्रिया; कारण सांगताना म्हणाले, पायलटची चूक…

मुंबईवरून ८ वाजून १० मिनिटांनी विमानाने टेक ऑफ केले होते. त्याचवेळी विदीत जाधव यांनी अजित पवारांसोबत फोटो घेतला होता. हाच फोटो अजित पवार यांचा शेवटचा फोटो ठरला आहे. तसंच विदीत जाधव यांचा देखील हा शेवटचा फोटो ठरला आहे. या दुर्दैवी घटनेमुळे संपूर्ण महाराष्ट्राला हादरला बसला आहे. या घटनेमुळे राजकारणात खळबळ उडाली आहे.