Ahilyanagar Crime : संगमनेरमध्ये सहावीच्या विद्यार्थिनीवर ॲसिड हल्ला, मुलगी गंभीर जखमी

Ahilyanagar : संगमनेरमध्ये अतिशय संतापजनक घटना समोर आली आहे. इयत्ता सहावीच्या विद्यार्थीनीवर अज्ञात आरोपीने थेट ॲसिड हल्ला केला आहे. त्यामुळे एकच खळबळ उडाली आहे. अवघ्या ते दहा ते बरा वर्षाच्या मुलीवर अशाप्रकारे हल्ला झाल्याने परिसरात मोठी खळबळ उडाली आहे. ही विद्यार्थिनी शाळा सुटल्यानंतर आपल्या घरी जात होती. आपल्यावर अशाप्रकारे हल्ला होईल? असं तिला कधीही वाटलं नव्हतं. पण अचानक एका नराधमाने तिच्यावर थेट ॲसिड हल्ला केला. या हल्ल्यात तिच्या चेहऱ्याला गंभीर दुखापत झाली आहे. या घटनेनंतर शाळेत शिक्षण घेणाऱ्या चिमुकली मुलीदेखील सुरक्षित नाहीत का? असा प्रश्न या निमित्ताने उपस्थित होत आहे.

संगमनेर तालुक्यात पुन्हा एकदा मानवतेला काळीमा फासणारी धक्कादायक घटना समोर आली आहे. वडगाव पान परिसरात शाळा सुटल्यानंतर घरी परतणाऱ्या अवघ्या पाचवी-सहावीतील अल्पवयीन विद्यार्थिनीवर अज्ञात व्यक्तीने ॲसिड फेकून हल्ला केला. या अमानुष प्रकारामुळे संपूर्ण परिसर हादरून गेला आहे. दुपारी सुमारे दोन वाजेच्या सुमारास ही घटना घडली. शाळेतून घरी जात असताना अचानक हल्लेखोराने मुलीवर अॅसिड फेकल्याची माहिती समोर येत आहे. हल्ल्यानंतर मुलीने आरडाओरडा केल्याने परिसरातील नागरिक तत्काळ धावून आले. त्यांनी तातडीने पोलिसांना माहिती देत मुलीला उपचारासाठी लोणी येथील खासगी रुग्णालयात दाखल केले.

अल्पवयीन मुलीवर असा अमानुष हल्ला करणाऱ्या नराधमाला तात्काळ अटक करून कठोर शिक्षा द्यावी. सदर विद्यार्थिनी गंभीर जखमी असून तिच्यावर उपचार सुरू आहेत. तिची प्रकृती चिंताजनक असल्याचे समजते. या क्रूर आणि निर्घृण हल्ल्यामुळे संगमनेर तालुक्यात भीती आणि संतापाचे वातावरण निर्माण झाले आहे. अल्पवयीन मुलीवर असा अमानुष हल्ला करणाऱ्या नराधमाला तात्काळ अटक करून कठोर शिक्षा द्यावी, अशी जोरदार मागणी नागरिकांकडून होत आहे.

पोलिसांनी अज्ञात आरोपीचा शोध सुरू केला आहे. परिसरातील सीसीटीव्ही फुटेजची तपासणी करण्यात येत आहे. हल्लेखोर तरुण असल्याची प्राथमिक माहिती समोर येत आहे. लवकरच आरोपी पोलिसांच्या ताब्यात येईल, असा विश्वास व्यक्त केला जात आहे. या घटनेने पुन्हा एकदा महिलांच्या सुरक्षेचा प्रश्न ऐरणीवर आला असून प्रशासनासमोर मोठे आव्हान उभे ठाकले आहे.