मेट्रोच्या कामाचा स्लॅब कोसळताच मुख्यमंत्री फडणवीस अॅक्शन मोडमध्ये; तत्काळ दिला मोठा आदेश; मृतांच्या वारशांना…

मुंबईत एक मोठी दुर्घटना घडली आहे. मुलूंड येथे सुरु असलेल्या मेट्रो बांधकामाचा स्लॅब कोसळला आहे. हा स्लॅब दोन गाड्यांवर कोसळला. त्यामुळे या दुर्घटनेत एकाचा मृत्यू झाला असून दोनजण गंभीर जखमी असल्याचे समोर आले आहे. आता यावर दुर्घटनेवर राज्याचे मुख्यमंत्री देवेंद्र फडणवीस यांनी दु:ख व्यक्त केले आहे. त्यांनी या घटनेची पूर्ण चौकशी करण्याचे आदेश दिले आहेत.

काय म्हणाले मुख्यमंत्री?

मुंबईतील मुलुंडच्या फायर बिग्रेड जवळ ही घटना घडली. या भागात मेट्रो बांधकामाचा स्लॅब कोसळून झालेल्या दुर्घटनेत एका व्यक्तीचा मृत्यू झाला असून इतर काही जखमी झाले आहेत. या घटनेबद्दल मुख्यमंत्री देवेंद्र फडणवीस यांनी दुःख व्यक्त केले असून या घटनेच्या चौकशीचे आदेश दिले आहेत. मृताच्या वारसांना 5 लाख रुपये आर्थिक मदत राज्य सरकार देईल आणि जखमींच्या उपचाराचा खर्च राज्य सरकार करेल. जखमींच्या प्रकृतीत लवकर सुधारणा व्हावी, अशी प्रार्थना मुख्यमंत्री देवेंद्र फडणवीस यांनी केली आहे.

महापौर रितू तावडे यांनी दिली भेट

मुलूंड येथील दुर्घटनेने राज्यात खळबळ माजली आहे. पोलीस आणि अग्निशमन दल घटनास्थळी दाखल झाले आहे. त्यांनी ज्या गाड्यांवर स्लॅब कोसळला तो बाजूला करुन बचाव कार्य सुरु केले. या दुर्घटनेमुळे मुलूंड येथील हा रस्ता वाहतुकीसाठी पूर्णपणे बंद करण्यात आला आहे. या आधी देखील मेट्रो प्रकल्पावर अनेक प्रश्न उपस्थित करण्यात आले होते. अशातच हा स्लॅब कोसळला आहे.

मेट्रो पुलाचा काही भाग कोसळला आहे. हा स्लॅब कोसळ्यामुळे मोठी दुर्घटना घडली आहे. प्राथमिक माहितीनुसार, हा स्लॅब एका चार चाकी गाडीवर आणि रिक्षावर कोसळला आहे. या दुर्घटनेत एका व्यक्तीचा मृत्यू झाला आहे. तर दुसरी व्यक्ती गंभीर जखमी झाली आहे. मुलूंड येथील मेट्रो दुर्घटनेत आणखी कोणी जखमी झाले आहे का? किंवा दुर्घटना नेमकी कशी घडली याबाबत अद्याप माहिती समोर आलेली नाही. त्यामुळे यावर प्रशासन काय प्रतिक्रिया देणार याकडे सर्वांचे लक्ष लागले आहे.